Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 63

समुद्देसकाला संखेज्जाइं पयसयसहस्साइ पयग्गेणं संखेज्जा अक्खरा जाव एवं चरण- करण- परूवणया आघविज्जति0, सेत्तं अतगडदसाओ ।
[२२५] से किं तं अनुत्तरोववाइयदसाओ?
(९)-अनुत्तरोववाइयाणं नगराई उज्जाणाई चेइयाइं वणसंडाई रायाणो अम्मापियरो समोसरणाइं धम्मायरिया धम्मकहाओ इहलोइयपरलोइया इड्ढिविसेसा भोगपरिच्चाया पव्वज्जाओ सुयपरिग्गाहा तवोवहाणाइं परियागा संलेहणाओ भत्तपच्चक्खाणाइं पाओवगमणाइं अनुत्तरोववत्ति सुकुलपच्चायाती पुण बोहिलाभो अंतकिरियाओ य अधिविज्जंति अनुत्तरोववातियदसासु णं तित्थकरसमोसरणाई परममंगल्लजगहियाणि जिणातिसा य बहुविसेसा जिणसीसाणं चेव समणगणपवरगंधहत्थीणं थिरजसाणं परिसहसेण्ण- रिउ - बल-पमद्दणाणं तव दित्त चरित्त-नाण- सम्मत्तसार पइण्णग समवाओ
विविहप्पगार-वित्थर-पसत्थगुण जोगजुत्ताणं जह य जगहियं भगवओ जारिसा य इड्ढविसेसा देवासुरमाणुसाणं परिसाणं पाउब्भावा य जिणसमीवं जह य उवासंति जिणवरं जह य परिकर्हेति धम्मं लोगगुरू अमरनरसुरगणाणं सोऊण य तस्स भासियं अवसेसकम्म-विसयविरत्ता नरा जहअब्भुवैति धम्ममुरालं संजमं तवं चावि बहुविहप्पगारं जह बहूणि वासाणि अनुचरित्ता आराहि-नाण-दंसण-चरित्तजोगा जिणवयणमणुगय-महिमभासिया जिणयराण हियएणमणुणेत्ता जे य जाहिं जत्तियाणि भत्ताणि छेयइत्ता लद्धूण य समाहिमुत्तमं झाणजोगजुत्ता उववण्णा मुनिवरोत्तमा जह अनुत्तरेसु पावंत ह अनुत्ततरं तत्तं विसयसोक्खं तत्तो य चुया कमेणं काहिंति संजया जह य अंतकिरियं एए अणे य एवमाइअत्था वित्थरेणं अनुत्तरोववाइयदसासु णं परित्ता वायणा संखेज्जा अनुओगदारा [ संखेज्जाओ पडिवत्तीओ संखेज्जा वेढा संखेज्जा सिलोगा संखेज्जाओ निज्जुत्तीओ] संखेज्जाओ संगहणीओ से अंगट्ठयाए नवमे अंगे एगे सुयक्खंधे दस अज्झयणा तिण्णि वग्गा दस उद्देसणकाला दस समुद्देसणकाला संखेज्जाइं पयसयसहस्साइं पयग्गेणं संखेज्जाणि अक्खराणि [अनंतागमा अनंतापज्जवा परित्ता तसा अनंता थावर सासया कडा निबद्ध निकाइया जिनपन्नत्ता भावा आघविज्जंति पन्नविज्जंति परुविज्जंति दसिज्जंति निंदसिज्जंति उवदंसिज्जंति से एवं आया एवं नाया एवं विण्णाया ] एवं चरण-करणपरूवणया आघविज्जंति पण्णविज्जति जाव उवदंसिज्जति सेत्तं अनुत्तरोववाइयदसाओ ।
[२२६] से किं तं पण्हावागरणाणि?
णं
(१०) पण्हावागरणेसु अहुत्तरं पसिणसयं अड्डत्तरं अपसिणसयं अड्डुत्तरं पसिणापसिणसयं विज्जाइसया नागसुवण्णेहिं सद्धिं दिव्वा संवाया आघविज्जंति, पण्हावागरण दसासु ससमय-परसमय-पन्नवय- पत्तेयबुद्ध-विविहत्थ-भासा-भासियाणं अतिसय-गुण-उवसम-नाणप्पगार-आयरियभासियाणं वित्थरेणं वीरमहेसीहिं विविहवित्थर-भासियाणं च जगहियाणं अद्यागंगुट्ठ-बाहु-अ मणिखोमआतिच्च-मातियाणं विविहमहापसिणविज्जा-मणपसिणविज्जा-देवय-पओग पहाणं गुणप्पगा-सियाणं सब्भूयवि-गुणप्पभाव-नरगणमइ-विम्हयकारी अणं अतिसयमतीतकालसमए दमसमतित्थकरुत्तमस्स ठितिकरण-कारणाणं दुरहिगम-दुरवगाहस्स सव्वसव्वण्णुसम्मवस्स अबुहजणविबोहकरस्स पच्चक्खयपच्चयकराणं पण्हाणं विविहगुणमहत्था जिमवरप्पणीया आघविज्जंति,
पण्हावागरणेसु णं परित्ता वायणा संखेज्जा अनुओगदारा जाव संखेज्जाओ, संगहणीओ से णं अंगट्ठयाए दसभे अंगे एगे सुयक्खंधे पणयालीसं उद्देसणकाला पणयालीसं समुद्देसणकाला [दीपरत्नसागर संशोधितः] [४- समवाओ]
[62]