Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 64

संखेज्जाणि पयसयसहस्साणि पयग्गेणं संखेज्जा अक्खरा अनंता गमा जाव चरण-करण-परूवणया आघविज्जति0, सेत्तं पण्हावागरणाई ।
[२२७] से किं तं विवागसए?
(११)-विवागसुए णं सुक्कडदुक्कडाणं कम्माणं फलविवागे आघविज्जति, से समासओ दुविहे पन्नत्ते तं जहा- दुहविवागे चेव सुहविवागे चेव, तत्थ णं दस दुहविवागाणि दस सुहविवागाणि, से किं तं दुहविवागाणि?, दुहविवागेसु णं दुहविवागाणं नगराइं उज्जाणाइं चेइयाइं वनसंडाइं रायाणो अम्मापियरो समोसरणाइं धम्मायरिया धम्मकहाओ नगरगमणाइं संसारपबंधे दुहपरंपराओ य आघविज्जंति सेत्तं दुहविवागाणि ।
से किं तं सुहविवागाणि? सुहविवागेसु सुहविवागाणं नगराई उज्जाणाई चेइयाई पइण्णग समवाओ
वनसंडाई रायाणो अम्मापियरो समोसरणाई धम्मायरिया] धम्मकहाओ इहलोइय-परलोइया इढिविसेसा भोगप-रिच्चाया पव्वज्जाओ सयपरिग्गहा तवोवहाणाइं परियागा संलेहणाओ भत्तपच्चक्खाणाई पाओवगमणाई देवलोगगमणाई सकुलपच्चायाती पण बोहिलाभो अंतकिरियाओ य आघविज्जंति,
दुहविवागेस् णं पाणाइवाय-अलियवयण-चोरिक्ककरण-परदार-मेहुण-संसग्गयाए महतिव्व-कसाय-इंदियप्पमाय-पावप्पओय-असुहज्झवसाण-संचियाणं कम्माणं पावगाणं पाव-अनुभागफलविवागा निरयगति-तिरिक्ख-जोणि-बहुविह-वसण-सय-परंपरा-पबद्धाणं मण्यत्तेवि आगायाणं जहा पावकम्मसेसेणं पावगा होति फल-विवागा वहवसणविणास-नासकण्णोठं गुट्ठकरचरण नहच्छेयण जिब्भधेयणं-अंजण-कड ग्गिदाहण-गयचलण-मलणफालणउल्लंबण-सूललयालउडलट्ठिभंजण-तउसीसग तत्ततेल्लकलकलअभिसिंचण-कुंभिपाग-कंपण-थिरबंधण-वेह-वज्झ-कत्तण-पतिभयकरकरपलीवणादिदारुणामि दुक्खाणि अणोवमाणि बहविविहपरंपराण-बद्धा णं मच्चंति पावकम्मवल्लीए, अवेयइत्ता हु नत्थि मोक्खो तवेण धिइ-धणिय-बद्ध-कच्छेण सोहणं तस्स वावि होज्जा |
___एत्तो य सुहविवागेसु सील-संजम-नियम-गुण-तवोवहाणेसू साहूसु सुविहिएसु अणुकंपाऽसयप्पओग-तिकाल-मइविसुद्ध-भत्तपाणाई पयतमणसा हिय-सहनीसेस-तिव्वपरिणाम-निच्छियमई पयच्छिऊणं पओगसुद्धाइं जह य निव्वत्तेति उ बोहिलाभं जह य परित्तीकरेंति नर-निरय-तिरिय-सुरगतिमण-विपुलपरियट्ट-अरति-भय-विसाय-सोक-मिच्छत्त-सेल-संकडं अन्नाणतमंधकार-चिक्खिल्ल-सुदुत्तारं जरमरण-जोणिसंखुभियचक्कवालं सोलसकसाय-सावय-पयंड-चंडं अणाइयं अणवदग्गं संसारसागरमिणं जह य निबंधंति
गणेस् जह य अनभवंति सुरगणविमाणसोक्खाणि अणोवमाणि ततो य कालंतरच्चआणं इहेव नरलोगमागयाणं आउ-वउ-वण्ण-रूव-जाति-कुल-जम्म-आरोग्ग-बुद्धि-मेहा-विसेसा मित्तजण-सयण-धण-धन्नविभव-समिद्धिसार-समुदयविसेसा बहुविह कामभोगुब्भवाण सोक्खाण सुहविवागोत्तमेसु, अनुवरयपरंपराणुबद्धा असुभाणं सुभाण चेव कम्माण भासिआ बहुविहा विवागा विवागसुयंमि भगवया जिणवरेणं संवेगकारणत्था अण्णेवि य एवमाइया बहुविहा वित्थरेणं अत्थपरूवणया आघविज्जति ।
विवागसुअस्स णं परित्ता वायणा संखेज्जा अनुओगदारा जाव संखेज्जाओ संगहणीओ, से णं अंगट्ठयाए एक्कारसमे अंगे वीसं अज्झयणा वीसं उद्देसणकाला वीसं समुद्देसणकाला संखेज्जाइं पयसयसहस्साई पयग्गेणं, संखेज्जाणि अक्खराणि अनंता गमा अनंता पज्जवा जाव एवं चरण-करणपरूवणया आघविज्जति0, सेत्तं विवागसए ।
आउगं
[दीपरत्नसागर संशोधितः]
[63]
[४-समवाओ]