Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 56

पइण्णग समवाओ
गाउय- सयाइं उव्वेहेणं पन्नत्ता, जंबुद्दीवे णं दीवे दो कंचणपव्वयसया पन्नत्ता ।
[१८२] पउमप्पभे णं अरहा अट्ठाइज्जाई धणुसयाई उड्ढं उच्चत्तेणं होत्था असुरकुमाराणं देवाणं पासायवडेंसगा अड्ढाइज्जाई जोयणसयाई उड्ढं उच्चत्तेणं पन्नत्ता ।
[१८३] सुमई णं अरहा तिण्णि धणुसयाई उड्ढं उच्चत्तेणं होत्था, अरिट्ठमी णं अरहा तिण्णि वाससयाइं कुमारवास मज्झावसित्ता मुंडे भवित्ता अगाराओ अणगारिअं पव्वइए ।
वेमाणियाणं देवाणं विमाणपागारा तिण्णि- तिण्णि जोयणसयाइं उड्ढं उच्चत्तेणं पन्नत्ता
|
समणस्स णं भगवओ महावीरस्स तिण्णि सयाणि चोद्दसपुव्वीणं होत्था पंचधणुसइयस्स णं अंतिमसारीरियस्स सिद्धिगयस्स सातिरेगाणि तिण्णि धणुसयाणि जीवप्पदेसोगाहणा प० । [१८४] पासस्स णं अरहओ पुरिसादाणीयस्स अद्भुट्ठसयाइं चोद्दसपुव्वीणं संपया होत्था, अभिनंदणे णं अरहा अट्ठाई धणुसयाई उड्ढं उच्चत्तेणं होत्था ।
[१८५] संभवे णं अरहा चत्तारि धणुसयाई उड्ढं उच्चत्तेणं होत्था ।
सव्वेवि णं निसढनीलवंता वासहरपव्वया चत्तारि चत्तारि जोयणसयाइं उड्ढं उच्चत्तेणं चत्तारि-चत्तारि गाउयसयाई उव्वेहेणं पन्नत्ता, सव्वेवि णं वक्खारपव्वया निसढनीलवंतवासहरपव्वयंतेणं चत्तारि चत्तारि जोयणसयाई उड्ढं उच्चत्तेणं चत्तारि - चत्तारि गाउयसयाइं उव्वेणं प०
आणय-पाणएसु-दोसु कप्पेसु चत्तारि विमाणसया प०
समणस्स णं भगवओ महावीरस्स चत्तारि सया वाईणं सदेवमणुयासुरम्मि लोगंमि वाए अपराजियाणं उक्कोसिया वाइसंपया होत्था ।
[१८६] अजिते णं अरहा अद्धपंचमाइं धणुसयाई उड्ढं उच्चत्तेणं होत्था ।
सगरे णं राया चाउरंतचक्कवट्टी अद्धपंचमाइं धणुसयाई उड्ढं उच्चत्तेणं होत्था । [१८७] सव्वेणि णं वक्खारपव्वया सीया सीतोयाओ महानईओ मंदरं वा पव्वयं पंच पंच जोयणसयाइं उड्ढं उच्चत्तेणं पंच-पंच गाउयसयाइं उव्वेहेणं पन्नत्ता, सव्वेवि णं वासहरकूडा पंच-पंच जोयणसयाइं उड्ढं उच्चत्तेणं मूले पंच-पंच जोयणसयाइं विक्खंभेणं पन्नत्ता ।
उसभे णं अरहा कोसलिए पंच धणुसयाई उड्ढं उच्चत्तेणं होत्था ।
भरहे णं राया चाउरंतचक्कवट्टी पंच धणुसयाइ उड्ढं उच्चत्तेणं होत्था सोमणस-गंधमादण-विज्जुप्पभ- मालवंता णं वक्खारपव्वया णं मंदरपव्वयंतेणं पंच-पंच जोयणसयाइं उड्ढं उच्चत्तेणं पंच-पंच जोयणसयाई उड्ढं उच्चत्तेणं मूले पंच-पंच जोयणसयाई आयामविक्खंभेणं पन्नत्ता, सव्वेवि णं नंदणकूडा बलकूडवज्जा पंच-पंच जोयणसयाई उड्ढं उच्चत्तेणं मूले पंच-पंच जोयणसयाइं आयामवि-क्खंभभेणं प०
सोहम्मीसाणेसुकप्पेसु विमाणा पंच-पंच जोयणसयाइं उड्ढं उच्चत्तेणं प0 ।
[१८८] सणंकुमार-माहिंदेसु कप्पेसु विमाणा छ छ जोयणसयाई उड्ढं उच्चत्तेणं पन्नत्ता । चुल्लहिमवंतकूडस्स णं उवरिल्लाओ चरिमंताओ चुल्लहिमवंतस्स वासहरपव्वयस्स समे धरणितले एस णं छ जोयणसायई अबाहाए अंतरे पन्नत्ते, एवं सिहरीकूडस्सवि ।
[ दीपरत्नसागर संशोधितः ]
[55]
[४- समवाओ]