Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 49

0 एगणासीइमो-समवाओ 0 [१५८] वलयामहस्स णं पायालस्स हेट्ठिल्लाओ चरिमंताओ इमीसे रयणप्पभाए पुढवीए हेट्ठिल्ले चरिमंते एस णं एगूणासीइं जोयणसहस्साई अवाहाए अंतरे प0, एवं केउस्सवि जूयस्सवि ईसरस्सवि ।
छट्ठीए पुढवीए बहुमज्झदेसभायाओ छट्ठस्स घणोदहिस्स हेडिल्ले चरिमंते एस णं एगूणासीतिं जोयणसहस्साइं अबाहाए अंतरे प0
जंबुद्दीवस्सं णं दीवस्स बारस्स य बारस्स य एस णं एगूणासीइं जोयणसहस्साइं साइरेगाई अबाहाए अंतरे पन्नत्ते ।
0 एगणासीइमो समवाओ समत्तो । 0 मुनि दीपरत्नसागरेण संशोधितः सम्पादित्तश्च एगूणासीइमो समवाओ समत्तो 0
0 असीइइमो-समवाओ 0
[१५९] सेज्जंसे णं अरहा असीइं धणइं उड़ढं उच्चत्तेणं होत्था ।
तिविठू णं वासुदेवे असीइं धणूई उड्ढं उच्चेत्तेणं होत्था, अयले णं बलदेवे असीइं धणूइं उड्ढं उच्चत्तेणं होत्था, तिविट्ठ णं वासुदेवे असीइं वाससयसहस्साइं महाराया होत्था ।
आउबहुले णं कंडे असीइं जोयणसहस्साई बाहल्लेणं पन्नत्ते, ईसाणस्सणं देविंदस्स देवरण्णो असीइं सामाणियसाहस्सीओ पन्नत्ताओ, जंबुद्दीवे णं दीवे असीउत्तरं जोयणसयं ओगाहेत्ता सूरिए उत्तरकट्ठोवगए पढमं उदयं करेई
0 असीइइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च असीइइमो समवाओ समत्तो 0
0 एक्कासीइइमो-समवाओ 0 [१६0] नवनवमिया णं भिक्खुपडिमा एक्कासीइ राइदिएहिं चउहिं य पंचुत्तरेहिं भिक्खासएहिं अहासत्तं जाव आराहिया यावि भवति ।।
कुंथस्स णं अरहओ एक्कासीति मणपज्जवनाणिसया होत्था । विवाहपन्नत्तीए एकासीति महाजुम्मसया पन्नत्ता ।
0 एक्कासीइइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च एक्कासीइइमो समवाओ समत्तो 0
0 बासीतिइमो-समवाओ 0 [१६१] जंबुद्दीवे दीवे बासीतं मंडलसयं जं सूरिए दुक्खत्तो संकमित्ता णं चारं चरइ तं जहानिक्खममाणे य पविसमाणे य ।
समणे भगवं महावीरे बासीए राइदिएहिं वीइक्कंतेहिं गब्भाओ गब्भंसाहरिए | समवाओ-८२
[दीपरत्नसागर संशोधितः]
[48]
[४-समवाओ]