Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 24

सोहम्मीसाणेसु कप्पेसु अत्थेगइयाणं देवाणं बावीसं पलिओवमाइं ठिई पन्नत्ता, अच्चु कप्पे देवाणं उक्कोसेणं बावीसं सागरोवमाई ठिई प०, हेट्ठिम-हेट्ठिम- गेवेज्जगाणं देवाणं जहन्नेणं बावीसं सागरोवमाइं ठिई पन्नत्ता,
जे देवा महितं विसुतं विमलं पभासं वणमालं अच्चुतवडेंसगं विमाणं देवत्ताए उववण्णा तेसि णं देवाणं उक्कोसेणं बावीसं सागरोवमाइं ठिई पन्नत्ता ते णं देवा बावीसाए अद्धमासाणं आणमंति वा पाणमंति वा ऊससंति वा नीससंति वा तेसि णं देवाणं बावीसाए वाससहेस्सेहिं आहारट्ठे समुप्पज्जइ । संतेगइया भवसिद्धिया जीवा जे बावीसाए भवग्गहणेहिं सिज्झिस्संति [बुज्झिस्संति मुच्चिस्संति परिनिव्वाइस्संति] सव्वदुक्खाणमंतं करिति ।
0 बावीसइमो समवाओ समत्तो 0
० मुनि दीपरत्नसागरेण संशोधितः सम्पादित्तश्च बावीसइमो समवाओ समत्तो 0
0 तेवीस मो - समवाओ 0
[५३] तेवीसं सूयगडज्झयणा प० तं0 - समए वेतालिए उवसग्गपरिण्णा इत्थीपरिण्णा नरयविभत्ती महावीरथुई कुसीलपरिभासिए विरिए धम्मे समाही मग्गे समोसरणे आहत्तहिए गंथे जमईए गाहा पुंडरीए किरियठाणा आहारपरिण्णा अपच्चक्खाणकिरिया अणगारसुयं अद्दइज्जं नालंदइज्जं । समवाओ - २३
जंबुद्दीवे णं दीवे भारहे वासे इमीसे ओसप्पिणीए तेवीसाए जिणाणं सूरुग्गमणमुहुत्तंसि केवलवरनाणदंसणे समुप्पण्णे, जंबुद्दीवे णं दीवे इमीसे ओसप्पिण्णीए तेवीसं तित्थकरा पुव्वभवे एक्कारसंगिणो होत्था तं जहा- अजिए संभवे अभिणंदणे सुमती जाव पासे वद्धमाणे य, उसभे णं अरहा कोसलिए चोद्दसपुव्वी होत्था, जंबुद्दीवे णं दीवे इमीसे ओसप्पिणीए तेवीसं तित्थगरा पुव्वभवे मंडलिय रायाणो होत्था तं जहा- अजिए संभवे अभिनंदणे जाव पासे वद्धमाणे य, उसभे णं अरहा कोसलिए चक्कवट्टी होत्था ।
इमीसे णं रयणप्पभाए पुढवीए अत्थेगइयाणं नेरइयाणं तेवीसं पलिओवमाइं ठिई पन्नत्ता, अहेसत्तमाए णं पुढवीए अत्थेगइयाणं नेरइयाणं तेवीसं सागरोवमाइं ठिई पन्नत्ता । असुरकुमाराणं देवाणं अत्थेगइयाणं तेवीसं पलिओ माई ठिई पन्नत्ता
सोहम्मीसाणाणं देवाणं अत्थेगइयाणं तेवीसं पलिओवमाई ठिई प०, हेट्ठिम-मज्जिमगेविज्जाणं देवाणं जहण्णेणं तेवीसं सागरोवमाइं ठिइं पन्नत्ता ।
जे देवा हेट्ठिम-गेवेज्जयविमाणेसु देवत्ताए उववण्णा तेसि णं देवाणं उक्कोसेणं तेवीसं सागरोवमाइं ठिई पन्नत्ता ते णं देवा तेवीसाए अद्धमासेहिं आणमंति वा पाणमंति वा ऊससंति वा नीति वा तेसि णं तेवीसाए वाससहस्सेहिं आहारट्ठे समुप्पजजइ ।
संतेगइया भवसिद्धिया जीवा जे तेवीसाए भवग्गहणेहिं सिज्झिस्संति जाव सव्वदुक्खाणमंत
करिस्सति ।
0 तेवीसइमो समवाओ समत्तो 0
० मुनि दीपरत्नसागरेण संशोधितः सम्पादित्तश्च तेवीसइमो समवाओ समत्तो 0
[दीपरत्नसागर संशोधितः ]
[23]
[४- समवाओ]