Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 33

इमीसे णं रयणप्पभाए अत्थेगइयाणं नेरइयाणं एक्कतीसं सागरोवमाइं ठिई पन्नत्ता, अहेसत्तमाए पुढवीए अत्थेगइयाणं नेरइयाणं एक्कतीसं सागरोवमाई ठिई पन्नत्ता |
असुरकुमाराणं देवाणं अत्थेगइयाणं एक्कतीसं पलिओवमाइं ठिई पन्नत्ता ।
सोहम्मीसाणेस् कप्पेस् अत्थेगइयाणं देवाणं एक्कतीसं पलिओवमाई ठिई पन्नत्ता, विजयवेजयंत-जयंत-अपराजियाणं देवाणं जहण्णेणं एक्कतीसं सागरोवमाइं ठिई पन्नत्ता ।
जे देवा उवरिम-उवरिम-गेवेज्जयविमाणेस् देवत्ताए उववण्णा तेसिं णं देवाणं उक्कोसेणं एक्कतीसं सागरोवमाइं ठिई पन्नत्ता ते णं देवा एक्कतीसाए अद्धमासेहिं आणमंति वा पाणमंति वा ऊससंति वा नीससंति वा तेसिं देवाणं एक्कतीसाए वाससहस्सेहिं आहारट्ठे समुप्पज्जइ ।
संतेगइया भवसिद्धिया जीवा जे एक्कतीसाए भवग्गहणेहिं सिज्झिस्संति वज्झस्संति मुच्चिस्संति परिनिव्वाइस्संति सव्वदुक्खाणमंतं करिस्संति ।
0 एक्कतीसइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च एक्कतीसइमो समवाओ समत्तो 0
0 बत्तीसइमो-समवाओ 0 [१0२] बत्तीसं जोगसंगहा पन्नत्ता (तं जहा)[१0३] आलोयणा निरवलावे आवईस् दढधम्मया ।
अणिस्सिओवहाणे य सिक्खा निप्पडिकम्मया ।। [१0४] अण्णातता अलोभे य तितिक्खा अज्जवे सती ।
सम्मदिट्ठी समाही य आयारे विणओवए ।। [१0५] धिईमई य संवेगे पणिही सुविहि संवरे ।
अत्तदोसोवसंहारे सव्वकामविरत्तया [१0६] पच्चक्खाणे विउस्सग्गे अप्पमादे लवालवे ।
झाणसंवरजोगे य उदए मारणंतिए समवाओ-३२
[१0७] संगाणं च परिण्णा पायच्छित्तकरणेत्ति य ।
आराहणा य मरणंते बत्तीसं जोगसंगहा ।। [१०८] बत्तीसं देविंदा प0 तं0 चमरे बली धरणे भूयाणंदे [वेणुदेव वेणुदाली हरि हरिस्सहे अग्गिसहे अग्गिमाणवे पन्ने विसिटे जलकंते जलप्पभे अमियगती अमितवाहमे वेलंबे पभंजणे] घोसे महाघोसे चंद सूरे सक्के ईसाणे सणंकमारे [माहिंदे बंभे लंतए महासक्के सहस्सारं] पाणए अच्चए ।
कुंथूस्स णं अरहओ बत्तीसहिया बत्तीसं जिणसया होत्था, सोहम्मेकप्पे बत्तीसं विमाणावासस-यसहस्सा पन्नत्ता, रेवइनक्खत्ते बत्तीसइतारे पन्नत्ते, बतीसतिविहे नट्टे पन्नत्ते ।।
इमीसे णं रयणप्पभाए पढवीए अत्थेगइयाणं नेरइयाणं बत्तीसं पलिओवमाई ठिई पन्नत्ता, अहेसत्तमाए पुढवीए अत्थेगइयाणं नेरइयाणं बत्तीसं सागरोवमाइं ठिई पन्नत्ता ।
असुरकुमाराणं देवाणं अत्थेगइयाणं बत्तीसं पलिओवमाइं ठिई पन्नत्ता ।
[दीपरत्नसागर संशोधितः]
[32]
[४-समवाओ]