Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 34

सोहम्मीसाणेस् कप्पेस देवाणं अत्थेगइयाणं बत्तीसं पलिओवमाई ठिई पन्नत्ता, सोहम्मीसाणेस् कप्पेस् देवाणं अत्थेगइयाणं बत्तीसं पलिओवमाइं पन्नत्ता |
जे देवा विजय-वेजयंत-जयंत-अपराजियविमाणेस् देवत्ताए उववण्णा तेसि णं देवाणं अत्थेगइयाणं बत्तीसं सागरोवमाई ठिई पन्नत्ता ते णं देवा बत्तीसाए अध्धमासेहिं आणमंति वा पाणमंति वा ऊससंति वा नीससंति वा तेसि णं देवाणं बत्तीसाए वाससहस्सेहिं आहारटे समुप्पज्जइ ।
संतेगइया भवसिद्धिया जीवा जे बत्तीसाए भवग्गहणेहिं सिज्झिस्संति [बज्जिस्संति मुच्चिस्संति परिनिव्वाइस्संति] सव्वदुक्खाणमंतं करिस्संति ।
0 बत्तीसइमो समवाओ समत्तो 0 रत्नसागरेण संशोधितः सम्पादित्तश्च बत्तीसइमो समवाओ समत्तो 0
0 तेत्तीसइमो-समवाओ 0 [१०९] तेत्तीसं आसायणाओ पन्नत्ताओ तं जहा- सेहे राइणियस्स आसन्नं गंता भवइआसायणा सेहस्स-१, सेहे राइणिस्स पुरओ गंता भवइ-आसायणा सेहस्स-२, सेहे राइणियस्स सपक्खं गंता भवइ-आसायणा सेहस्स-३, सेहे रायणियस्स आसन्नं ठिच्चा भवइ-आसायणा सेहस्स-४, जाव सेहे राइणियस्स आलवमाणस्स तत्थगते चिय पडिसणित्ता भवइ आसायणा सेहस्स-३३ ।
चमरस्स णं अरिंदस्स असरण्णो चमरचंचाए रायहाणीए एक्कमेक्केवारे तेत्तीसं-तेत्तीसं भोमा पन्नत्ता, महाविदेहे णं वासे तेत्तीसं जोयणसहस्साइं साइरेगाइं विक्खंभेणं पन्नत्ते, जया णं सूरिए बाहिराणं अंतरं तच्चं मंडलं उवसंकमित्ता णं चारं चरइ तया णं इहगयस्स परिसस्स तेत्तीसाए जोयणसहस्सेहिं किंचिविसेसूणेहिं चक्खुप्फासं हव्वमागच्छइ, इमीसे णं रयप्पभाए पुढवीए अत्थेगइयाणं नेरइयाणं तेत्तीसं पलिओवमाई ठिई पन्नत्ता, अहेसत्तामाए पुढवीए काल-महाकाल-रोरुय-महारोरुएस् नेरइयाणं उक्कोसेणं तेत्तीसं सागरोवमाई ठिई पन्नत्ता, अप्पइट्ठाणनरए नेरइयाणं अजहण्णमणक्कोसेणं तेत्तीसं सागरोवमाई ठिई पन्नत्ता ।
असुरकुमाराणं अत्थेगइयाणं देवाणं तेतीसं पलिओवमाई ठिई पन्नत्ता । सोहम्मीसाणेस् कप्पेस् अत्थेगइयाणं देवाणं तेत्तीसं पलिओवमाई ठिई पन्नत्ता, विजय
वेजसमवाओ-३३
यंत-जयंत-अपराजिएस् विमाणेस् उक्कोसेणं तेत्तीसं सागरोवमाइं ठिई पन्नत्ता, जे देवा सव्वट्ठसिद्धं महाविमाणं देवत्ताए उववण्णा ते, णं देवाणं अजहण्णमणुक्कोसेणं तेत्तीसं सागरोवमाइं ठिई पन्नत्ता ते णं देवा तेत्तीसाए अद्धमासेहिं आणमंति वा पाणमंति वा ऊससंति वा नीससंति वा तेसि णं देवाणं तेत्तीसाए वाससहस्सेहिं आहारट्ठे समुप्पज्जइ ।।
संतेगइया भवसिद्धिया जीवा जे तेत्तीसाए भवग्गहणेहिं सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति ।
तेत्तीसइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च तेत्तीसइमो समवाओ समत्तो 0
[दीपरत्नसागर संशोधितः]
[33]
[४-समवाओ]