Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 42

मंदरस्स णं पव्वयस्स पच्चत्थिमिल्लाओ चरिमंताओ विजयदारस्स पच्चत्थिमिल्ले चरिमंते एस णं पणपन्नं जोयणसहस्साई अबाहाए अंतरे पन्नत्ते, एवं चउद्दिसिपि वेजयंत-जयंत-अपराजियंति ।
समणे भगवं महावीरे अंतिमराइयंसि पणपन्नं अज्झयणाई कल्लाणफलविवागाइं पणपण्णं अज्झयणाणि पावफलविवागाणि वागरित्ता सिद्धे जाव प्पहीणे ।
पढमबिइयासु-दोसु पुढवीसु पणपण्णं निरयावाससयसहस्सा पन्नत्ता । दंसणावरणिज्जनामाउयाणं-तिण्हं कम्मपगडीणं पणपन्नं उत्तरपगडीओ पन्नत्ताओ ।
0 पणपन्नइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च पणपन्नइमो समवाओ समत्तो 0
0 छप्पन्नइमो-समवाओ 0 [१३४] जंबुद्दीवे णं दीवे छप्पन्नं नक्खत्ता चंदेण सद्धिं जोगं जोएंसु वा जोएंति वा जोइस्संति वा । विमलस्स णं अरहओ छप्पण्णं गणा छप्पन्नं गणहरा होत्था ।
0 छपन्नइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च छप्पन्नइमो समवाओ समत्तो 0
0 सत्तावन्नइमो-समवाओ 0 [१३५] तिण्हं गणिपिडगाणं आयारचूलियावज्जाणं सत्तावन्नं अज्झयणा पन्नत्ता तं जहाआयारे सूयगडे ठाणे ।
गोथूभस्स णं आवासपव्वयस्स पुरथिमिल्लाओ चरिमंताओ वलयामुहस्स महापायालस्स बहुमज्झदेसभाए एस णं सत्तावन्नं जोयणसहस्साइं अबाहाए अंतरे पन्नत्ते, एवं दओभासस्स केउयस्स य संखस्स जूयकस्स य दयसीमस्स ईसरस्स य ।
मल्लिस्स णं अरहओ सत्तावन्नं मणपज्जवनाणिसया होत्था ।
महाहिमवंतरूप्पीणं वासधरपव्वयाणं जीवाणं धणपट्ठा सत्तावन्नं-सत्तावन्नं जोयणसहस्साई दोण्णि य तेणउए जोयणसए दस य एगूणवीसइभाए जोयणस्स परिक्खेवेणं पन्नत्ता ।
0 सत्तावन्नइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च सत्तावन्नइमो समवाओ समत्तो 0
0 अट्ठावन्नइमो-समवाओ 0 [१३६] पढमदोच्चपंचमासु-तिसु पुढवीसु अट्ठावन्नं निरवायाससयसहस्सा पन्नत्ता नाणावरणिज्जस्स वेयणिजस्स आउयनामअंतराइस्स य- एयासि णं पंचण्हं कम्मपगडीणं अट्ठावण्णं उत्तरपगडीओ समवाओ-५८
पन्नत्ताओ ।
गोथूभस्स णं आवासपव्वयस्स पच्चत्थिमिल्लाओ चरिमंताओ वलयामुहस्स महापायालस्स बहुमज्झदेसभाए एस णं अट्ठावन्नं जोयणसहस्साई अबाहाए अंतरे पन्नत्ते एवं दओभासस्स णं केउकस्स
[दीपरत्नसागर संशोधितः]
[41]
[४-समवाओ]