Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 32

एएसि णं तीसाए मुहुत्ताइणं तीसं नामधेज्जा पन्नत्ता तं जहा- रोद्दे से मित्ते वाऊ सुपीए अभियं माहिं पलंबे बंभे सच्चे आणंदे विजए वीससेणे वायावच्चे उवसमे ईसाणे तिट्ठे भाविप्पा वेसमणे वरुणे सतरिसभे गंधव्वे अग्गिवेसायणे आतवं आवधं तट्ठवे भूमहे रिसभे सव्वट्ठसिद्धधधे रक्खसे, अरे णं अरहा तीसं धणुई उड्ढं उच्चत्तेणं होत्था सहस्सारस्स णं देविंदस्स देवरण्णो तीसं सामाणियसाहस्सीओ पन्नत्ताओ, पासे णं अरहा तीसं वासाइं अगारमज्झे वासित्ता मुंडे भावित्त अगाराओ अणगारियं पव्वइए, समणे भगवं महावीरे तीसं वासाई अगारमज्झे वसित्ता मुंडे भवित्ता अगराओ अणगारियं पव्वइए, रयणप्पभाए णं पुढवीए तीसं निरयावाससयसहस्सा पन्नता ।
इमीसे णं रयणप्पभाए पुढवीए अत्थेगइयाणं नेरइयाणं तीसं पलिओवमाइं ठिई पन्नत्ता, अहेसत्तमाए पुढवीए अत्थेगइयाणं नेरइयाणं तीसं सागरोवमाइं ठिई पन्नता ।
असुरकुमाराणं देवाणं अत्थेगइयाणं तीसं पलिओवमाइं ठिई पन्नत्ता ।
उवरिम उवरिम- गेवेज्जयाणं देवाणं जहण्णेणं तीसं सागरोवमाई ठिई पन्नत्ता ।
जे देवा उवरिम-मज्झिम- गेवेज्जारसु विमाणेसु देवत्ताए उववण्णा तेसिं णं देवाणं उक्कोसेणं तीं सागरोवमाइं ठिई पन्नत्ता ते णं देवा तीसाए अद्धमासेहिं आणमंति वा पाणमंति वा ऊवसंति वा नीससंति वा तेसिं णं देवाणं तीसाए वाससहस्सेहिं आहारट्ठे समुप्पज्जइ ।
संतेगइया भवसिद्धिया जीवा जे तीसाए भवग्गहणेहिं सिज्झस्संति वुज्जिस्संति मुच्चिस्संति परिनिव्वाइस्संति सव्वदुक्खाणमंतं करिस्सति ।
0 तीसइमो समवाओ समत्तो 0
0 मुनि दीपरत्नसागरेण संशोधितः सम्पादित्तश्च तीसइमो समवाओ समत्तो 0 0 एक्कतीसइमो - समवाओ 0
[१00] एक्कतीसं सिद्धाइगुणा प० तं - खीणे आभिणिवोहियणाणावरणे खीणे सुयणाणावरणे खीणे ओहिणाणावरणे खीणे मणपज्जवणाणावरणे खीणे केवलणाणावरणे खीणे चक्खुदंसणावरणे खीणे समवाओ - ३१
अच्खुदंसणावरणे खीणे ओहिदंसणावरणे खीणे केवलदंसणावरणे खीणा निद्दा खीणा सायावेयणिज्जे खीणे ओहिदंसणावरणे खीणे केवलदंसणावरणे खीणा निद्दा खीणा सायावेयणिज्जे खीणे असायावेयणिज्जे खीणे दंसणमोहणिज्जे खीणे चरित्तमोहणिज्जे खीणे नेरइयाउए खीणे तिरियाउए खीणे मणुस्साउए खीणे देवाउ खीणे उच्चागोए खीणे नियागोए खीणे सुभणामे खीणे असुभणामे खीणे दाणंतराए खीणे लाभंतराए खीणे भोगंतरा खीणे उवभोगंतराए खीणे वीरियंतराए ।
[१0१] मंदरे णं पव्वए धरणितले एक्कतीसं जोयणसहस्साइं छच्चं तेवीसे जोयणसए किंचिदेसूणे परिक्खेवेणं पन्नत्ते, जया णं सूरिए सव्ववाहिरियं मंडलं उवसंकमित्ता णं चारं चरइ तया णं इहगयस्स मणुस्सस्स एक्कतीसाए जोयणसहस्सेहिं अट्ठहिं य एक्कतीसेहिं जोयणसएहिं तीसाए सद्विभागेहिं जोयणस्स सूरिए चक्खुप्फासं हव्वमागच्छइ, अभिवढिए णं मासे एक्कतीसं सातिरेगाणि राइंदियाणि राइंदियग्गेणं पन्नत्ताइ आइच्चे णं मासे एक्कतीसं राइंदियाणि किंचि विसेसूणाणि राइंदियग्गेणं पन्नत्ताई
I
[दीपरत्नसागर संशोधितः ]
[31]
[४- समवाओ]