Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 35

0 चोत्तीसइमो-समवाओ 0 [११0] चोत्तीसं बुद्धाइसेसा पन्नत्ता तं जहा
(१) अवट्ठिए केसमंसुरोमनहे, निरामया निरुवलेवा गायलट्ठी, गोक्खीरपंडुरे मंससोणिए, पउम्प्पलगंधिए उस्सासनिस्सासे, पच्छन्ने आहारनीहारे अद्दिस्से मंसचखणा, (६) आगासगयं चक्कं, आगासगयं छत्तं, आगासियाओ सेयवरचामराओ, आगासफालियामयं सपाय-पीढं सीहासणं, आगासगओ कुडभीसहस्सपरिमंडिआभिरामो इंदज्झओ पुरओ गच्छद ।
(११) जत्थ जत्थवि य णं अरहंता भगवंतो चिट्ठति वा निसीयंति वा तत्थ तत्थवि य णं जक्खा देव संछन्नपत्तप्प्फपल्लवसमाउलो सच्छत्तो सज्झओ सघंटो सपडागो असोगवरपायवो अभिसंजायइ, ईसिं पिट्ठओ मउडठाणमि तेयमंडलं अभिसंजायइ अंधकारेवि य णं दस दिसाओ पभासेड़, बहसमरमणिज्जे भूमिभागे, अहोसिरा कंटया जायंति, उविवरीया सुहफासा भवंति, (१६) सीयलेणं सहफासेणं सुरभिणा मारुएणं जोयणपरिमंडलं सव्वओ समंता संपमज्जिज्जति, जुत्तफसिएण य मेहेणं निहय-रय-रेणुयं कज्जइ, जल-थलय-मासुर-पभू-तेणं बिंट्टठाइणा दसद्धवण्णेणं कुसुमेणं जाणुस्सेहप्पमाणमित्ते पुप्फोवयारे कज्जइ, अमणण्णाणं सद्द-फरिस-रस-रूव-गंधाणं पाउब्भावो भवइ, अवकरिसो भवइ, मणण्णाणं सद्दफरिसरूवगंधाणं
(२१) पच्चाहरओवि य णं हिययगमणीओ जोयणनीहारी सरो, भगवं च णं अद्धमागहीए भासाए धम्माइक्खड़, सावि य णं अद्धमागही भासा भासिज्जमाणी तेसिं सव्वेसिं आरियमणारियाणं दुप्पयचउप्पय-मिय-पस-पक्खि-सिरीसिवाणं अप्पणो हियसिव सुहदाभासत्ताए परिणमइ, पुव्वबद्धवेरावि य णं देवासुर-नाग-सुवण्णजक्खरक्खस-किन्नर-किंपुरिस-गरुल-गंधव्व-महोरगा अरहओ पायमूले पसंतचित्तमाणसा धम्मं निसामंति, अण्णउत्थिय-पावयणियावि य णं मागया वंदंति, (२६) आगया समाणा अरहओ पायमूले निप्पडिवयणा हवंति, जओ जओवि य णं अरहंतो भगवंतो विहरंति तओ तओवि य णं जोयणपणवीसाएणं ईती न भवइ, मारी न भवइ, सचक्कं न भवइ, परचक्कं न भवइ, अइट्ठी न भवइ, (३१) अणावुट्ठी न भवइ, भिक्खं न भवइ, पव्वप्पण्णावि य णं उप्पाइया वाही खिप्पमिव उवसमंति,
जंबद्दीवे णं दीवे चउत्तीसं चक्कवट्टिविजया पन्नत्ता तं जहा- बत्तीसं महाविदेहे दो भरहेरवए, जंबुद्दीवे णं दीवे चोत्तीसं दीहवेयड्ढा पन्नत्ता, जंबुद्दीवे णं दीवे उक्कोसपए चोत्तीस तित्थंकरा समुप्पज्जति ।
चमरस्स णं असुरिंदस्स असुरण्णो चोत्तीसं भवणावाससयसहस्सा पन्नत्ता । समवाओ-३४
पढमपंचमछट्ठीसत्तमासुचउसु पुढवीसु चोत्तीसं निरयावाससयसहस्सा पन्नत्ता ।
0 चोत्तीसइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च चोत्तीसइमो समवाओ समत्तो 0
0 पणतीसइमो-समवाओ 0
[दीपरत्नसागर संशोधितः]
[34]
[४-समवाओ]