Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 28

संतेगइया भवसिद्धिया जीवा जे सत्तावीसाए भवग्गहणेहिं सिज्झिस्संति बज्झिस्संति मच्चिस्संति परिनिव्वाइस्संति सव्वदक्खाणमंतं करिस्संति ।
सत्तावीसइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च सत्तावीसइमो समवाओ समत्तो 0
0 अहावीसइमो-समवाओ 0 [६२] अट्ठावीसविहे आयारपकप्पे पन्नत्ते तं जहा- मासिया आरोवणा सपंचरायमासिया आरोवणा सदसरायमासिया आरोवणा, एवं चेव दोमासिया आरोवणा सपंचरायदोमासिया आरोवणा, एवं तेमासिया आरोवणा, चउमासिया आरोवणा, उग्घातिया आरोवणा, अणग्घातिया आरोवणा, कसिणा आरोवणा, अकसिणा आरोवणा एतावताव अत्यार पकप्पे एतावताव आयरियव्वे,
भवसिद्धियाणं जीवाणं अत्थेगइयाणं मोहणिज्जस्स कम्मस्स अट्ठावीसं कम्मंसा संतकम्मा प0 तं0- सम्मत्तवेअणिज्जं मिच्छत्तवेयणिज्जं सम्ममिच्छत्तं वेयणिज्जं सोलस कसाया नव नोकसाया ।
आभिणिबोहियानाणे अट्ठावीसइविहे पन्नत्ते तं जहा- सोइंदियत्थोग्गहे चक्खिंदियत्थोग्गहे घाणिंदियत्थोग्गहे जिभिदियत्थोग्गहे फासिंदियत्थोग्गहे नोइंदियत्थोग्गहे सोइंदियवंजणोग्गहे घाणिंदियवंजणोग्गहे जिभिंदियवंजणोग्गहे फासिंदियवंजणोग्गहे सोतिदियईहा चक्खिंदियईहा घाणिंदियईहा जिभिंदियईहा फासिदियईहा नोइंदियईहा सोतिदियावाते चक्खिंदियावाते घाणिंदियावाते जिभिदियावाते फासिंदियावाते नोइंदियावाते सोइंदियधारणा चक्खिंदियधारणा घाणिदियधारणा जिभिंदियधारणा फासिदियधारणा नोइंदियधारणा ।
ईसाणे णं कप्पे अट्ठावीसं विमाणावाससयसहस्सा पन्नत्ता,
जीवे णं देवगतिं निबंधमाणे नामस्स कम्मस्स अट्ठावीसं उत्तरपगडीओ निबंधति तं जहासमवाओ-२८
देवगतिनामं पंचिदियजातिनामं वेउव्वियसरीरनामं तेययसरीरनामं कम्मगसरीरनामं समचउरंससंठाणनामं वेठव्वियसरीरंगोवंगनामं वण्णनामं गंधनामं रसनामं फासनामं देवाणुपुस्विनामं अगरुलहुयनाम उवघायनामं पराघायनामं ऊसासनामं पसत्थविहायोगइनामं तसनामं बायरनामं पज्जत्तनामं पत्तेयसरीरनामं थिराथिराणं सुभासुभाणं सुभगनामं सुस्सरनामं आएज्ज अणाएज्जाणं दोण्हं अण्णयरं एगं नामं निबंधइ जसोकितिनामं निम्माणनामं, एवं चेव नेरइयेवि नाणत्तं अप्पसत्थविहायोगइनामं हंडसंठाणनामं अथिरनामं दुब्भगनामं असुभनामं दुस्सरनामं अणादेज्जनामं अजसोकित्तीनामं निम्माणनामं ।
इमीसे णं रयणप्पभाए पुढवीए अत्थेगइयाणं नेरइयाणं अट्ठावीसं पलिओवमां ठिई पन्नत्ता, अहेसत्तमाए पुढवीए अत्थेगइयाणं नेरइयाणं अट्ठावीसं सागरोवमाई ठिई पन्नत्ता ।
असुरकुमाराणं देवाणं अत्थेगइयाणं अट्ठावीसं पलिओवमाई ठिई पन्नत्ता |
सोहम्मीसाणेस् कप्पेस् देवाणं अत्थेगइयाणं अट्ठावीसं पलिओवमाइं ठिई पन्नत्ता उवरिमहेट्ठिम-गेवेज्जयाणं देवाणं जहन्नेणं अट्ठावीसं सागरोवमाइं ठिई प0,
जे देवा मज्झिमउवरिम-गेवेज्जएसु विमाणेसु देवत्ताए उववण्णा तेसि णं देवाणं उक्कोसेणं अट्ठावीसं सागरोवमाइं ठिई पन्नत्ता ते णं देवा अट्ठावीसाए अद्धमासेहिं आणमंति वा पाणमंति वा ऊससंति वा नीससंति वा तेसि णं देवाणं अट्ठावीसे वाससहस्सेहिं आहारट्टे सम्प्पज्जइ ।।
[दीपरत्नसागर संशोधितः]
[27]
[४-समवाओ]