Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 25

0 चउवीसइमो-समवाओ 0
[५४] चउव्वीसं देवाहिदेवा पन्नत्ता तं जहा- उसभे अजिते संभवे अभिनंदणे समती पउमप्पभे सुपासे चंदप्पहे सुविही सीतले सेज्जंसे वासुपुज्जे विमले अनंते धम्मे संती कुंथं अरे मल्ली मुणिसुव्वए नमि अरिहनेमी पासे वद्धमाणे,
चुल्लहिमवंतसिहरीणं वासहरपव्वयाणं जीवाओ चउव्वीसं-चउव्वीसं जोयणसहस्साई नवबत्तीसे जोयणसए एगं च अद्वत्तीसइं भागं जोयणस्स किंचिविसेसाहिआओ आयामेणं पन्नत्ताओ ।
चउवीसं देवट्ठाणा सइदंया प0, सेसा अहमिंदा अनिंदा अपुरोहिआ, उत्तरायणगते णं सूरिए चउवीसंगलियं पोरिसियछायं निव्वत्तइत्ता णं निअट्टति, गंगासिंधुओ णं महानईओ पवहे सातिरेगे चउवीसं कोसे वित्थारेणं प0, रत्तारत्तवतीओ णं महानदीओ पवहे सातिरेगे चउवीसं कोसे वित्थारेणं प० ।
इमीसे णं रयणप्पभाए पुढवीए अत्थेगइयाणं नेरइयाणं चउवीसं पलिओवमाई ठिई पन्नत्ता, अहेसत्तमाए पुढवीए अत्थेगइयाणं नेरइयाणं चउवीसं सागरोवमाई ठिई पन्नत्ता ।
असुरकुमाराणं देवाणं अत्थेगइयाणं चउवीसं पलिओवमाई ठिई प० ।
सोहम्मीसाणेस् कप्पेस् अत्थेगइयाणं देवाणं चउवीसं पलिओवमाई ठिई पन्नत्ता, हेहिमउवरिम-गेवेज्जाणं देवाणं जहन्नेणं चउवीसं सागरोवमाई ठिई प0-जे देवा हेद्विम-मज्झिम-गेवेज्जयविमाणे देवत्ताए उववण्णा तेसि णं देवाणं उक्कोसेणं चउवीसं सागरोवमाइं ठिई प० ते णं देवा
समवाओ-२४
चउवीसाए अद्धमासाणं आणमंति वा पाणमंति वा ऊससंति वा नीससंति वा तेसि णं देवाणं चउवीसाए वाससहस्सेहिं आहारट्ठे सम्प्पज्जइ ।
संतेगइया भवसिद्धिया जीवा जे चउवीसाए भवग्गहणेहिं सिज्झिस्संति बज्जिसंस्ति मुच्चस्संति परिनिव्वाइस्संति सव्वदुक्खाणमंतं करिस्संति ।
0 चश्वीसइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च चउव्ववीसइमो समवाओ समत्तो 0
0 पणवीसइमो-समवाओ 0 [१५] पुरिमपच्छिमताणं तित्थगराणं पंचजामस्स पणवीसं भावाणाओ पन्नत्ताओ तं0इरियासमिई मणगत्ती वयगत्ती आलोय-भायण-भोयणं आदाण-भंड-मत्त-निक्खेवणासमिई, अणवीतिभासणया कोहविवेगे लोभविवेगे भयविवेगे हासविवेगे, उग्गह-अणण्णवणता उग्गह-सीमजाणणता सयमेव उग्गहं अणुगेण्हणता साहम्मियउग्गहं अणुण्णविय परिभुंजणता साधारणभत्तपाणं अणुण्णविय परिभुंजणता, इत्थी-पसु-पंडग-संसत्तसयणासणवज्जणया इत्थी-कहविवज्जणया इत्थीए इंदियाणं आलोयणवज्जणया पुव्वरय-पुव्वकीलिआणं अणणुसरणया पणीताहारविवज्जणया, सोइंदियरागोवरई चक्खिंदियरागोवरई धाणिं-दियरागोवरई जिभिंदियरागोवरई फासिदियरागोवरई,
मल्ली णं अरहा पणवीसं धणई उड्ढं उच्चत्तेणं होत्था, सव्वेवि णं दीहवेयड्ढपव्वया पणवीसं-पणवीसं जोयणाणि उड्ढं उच्चत्तेणं पणवीसं-पणवीसं गाउयाणि उव्वेहेणं पन्नत्ता, दोच्चाए णं
[दीपरत्नसागर संशोधितः]
[24]
[४-समवाओ]