Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 21

[४९] जंबुद्दीवे णं दीवे सूरिआ उक्कोसणं एकूणवीसं जोयणसयाई उड्ढमहो तवयंति, सक्केणं महग्गहे अवरेणं उदिए समाणे एकूणवीसं नक्खत्ताइं समं चारं चरित्ता अवरेणं अत्थमणं उवागच्छइ, जंबुद्दीवस्स णं दीवस्स कलाओ एकूणवीसं छेयणाए पन्नत्ताओ, एगूणवीसं तित्थयरा अगारमज्झा वसित्ता मुंडे भवित्ता णं अगाराओ अणगारिअं पव्वइआ ।
इमीसे णं रयणप्पभाए पुढवीए अत्थेगइयाणं नेरइयाणं एगणवीसं पलिओवमाई ठिई प0, छट्ठीए पढवीए अत्थेगइयाणं नेरइयाणं एगणवीसं सागरोवमाइं ठिई प० ।
असुरकुमाराणं देवाणं अत्थेगइयाणं एगूणवीसं पलिओवमाई ठिई पन्नत्ता ।
सोहम्मीसाणेस् कप्पेस् अत्थेगइयाणं देवाणं एगणवीसं पलिओवमाइं ठिई पन्नत्ता, आणयकप्पे देवाणं उक्कोसेणं एगणवीसं सागरोवमाई ठिई पन्नत्ता, पाणए कप्पे देवाणं जहण्णेणं एगूणवीसं सागरोवमाइं ठिई प० । समवाओ-१९
जे देवा आणतं पाणतं नतं विनतं घणं सुसिरं इंदं इंदोकंतं इंदुत्तरवडेसंगं विमाणं देवत्ताए उववण्णा, तेसि णं देवाणं उक्कोसणं एगुणवीसं सागरोवमाई ठिई प0 ते णं देवा एगुणवीसाए अद्धमासाणं आणमंति वा पाणमंति वा ऊससंति वा नीससंति वा तेसि णं देवाणं एगणवीसाए वाससहस्सेहिं आहारट्ठे समुप्पज्जइ ।
संतेगइया भवसिद्धिया जीवा जे एगूणवीसाए भवग्गहणेहिं सिज्झिस्संति बज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति ।
0 एगुणवीसमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च एगुणवीसइमो समवाओ समत्तो 0
0 वीसइमो-समवाओ 0 [40] वीसं असमाहिठाणा पन्नत्ता तं जहा- दवदवचारि यावि भवइ अपमज्जियचारि यावि भवइ दुप्पमज्जियचारि यावि भवइ अतिरित्तसेज्जासणिए रातिणियपरिभासी थेरोवघातिए भूओवधातिए संजलणे कोहणे पिट्ठिमंसिए अभिक्खणं-अभिक्खणं ओहारइत्ता भवइ नवाणं अधिकरणाणं अणुप्पन्नाणं उप्पाएत्ता भवइ पोराणाणं अधिकरणाणं खामिय-विओसवियाणं पणोदीरेत्ता भवइ ससरक्खपाणिपाए अकालसज्झायकारए यावि भवइ कलहकरे सद्दकरे झंझकरे सूरप्पमाणभोई एसणाऽसमिते आवि भवइ ।
मणिसुव्वए णं अरहा वीसं धणूई उड्ढे उच्चत्तेणं होत्था, सव्वेविअ णं घणोदही वीसं जोयणसहस्साई बाहल्लेणं पन्नत्ता, पाणयस्स णं देविंदस्स देवरण्णो वीसं सामाणिअसाहस्सीओ प0, नपंसयवेयणिज्जस्स णं कम्मस्स वीसं सागरोवमकोडाकोडीओ बंधओ बंधठिई पन्नत्ता, पच्चक्खाणस्स णं पव्वस्स वीसं वत्थू प0, ओसप्पिणि-उस्सप्पिणी-मंडले वीसं सागरोवमकोडाकोडीओ कालो पन्नत्तो ।
इमीसे णं रयणप्पभाए पढवीए अत्थेगइयाणं नेरइयाणं वीसं पलिओवमाई ठिई पन्नत्ता छट्ठीए पढवीए अत्थेगइयाणं नेरइयाणं वीसं सागरोवमाइं ठिई पन्नत्ता ।
असुरकुमाराणं देवाणं अत्थेगइयाणं वीसं पलिओवमाई ठिई पन्नत्ता
[दीपरत्नसागर संशोधितः]
[20]
[४-समवाओ]