Book Title: Agam 02 Sutrakrut Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 2, અંગસૂત્ર 2 ‘સૂત્રકૃત્’ કરનારા, તે કોઈપણ પ્રાણીનો ઘાત કરતા નથી; તે સર્વે મુક્તાત્મા સમાન મુક્ત છે. સૂત્ર-૧૦૧, 102 101- વિવિધ પ્રકાર પરિષહ આવતા બુદ્ધિમાન સાધુ વિચારે કે- પરીષહોથી હું એકલો જ પીડાતો નથી. પણ લોકમાં બીજા અનેક પ્રાણી વ્યથા પામી રહ્યા છે. આવો વિચાર કરીને પરિષહ આવવા છતા ક્રોધ આદિથી રહિત થઇ સમભાવે સહન કરે. 102- લેપ કરેલી ભીંતનો લેપ કાઢી તેને ક્ષીણ કરી દેવામાં આવે, તે પ્રમાણે સાધુએ અનશન આદિ તપ વડે શરીરને કૃશ કરવું જોઈએ, તથા અહિંસા ધર્મનું પાલન કરે, ભગવંતે આ જ ધર્મની પ્રરૂપણા કરી છે. સૂત્ર- 103, 104 103- જેમ ધૂળથી ભરેલી પક્ષિણી પોતાનું શરીર કંપાવી ધૂળને ઉડાડી દે છે, તેમ અનશન આડી તપ કરનાર તપસ્વી સાધુ કર્મોને ખપાવી દે છે. 104- ગૃહરહિત,એષણા પાલન કરવામાં તત્પર,સંયમધારી તપસ્વી સાધુ પાસે આવી તેના માતા-પિતા આદિ સ્વજનો દિક્ષા છોડી દેવા આજીજી કરે, અને તેમ કરતા તેનું ગળું સુકાવા લાગે તો ન તો પણ તે સાધુને મનાવીને પોતાને આધીન ન કરી શકે. સૂત્ર-૧૦૫, 106 105- કદાચ તે સાધુના માતા-પિતા આદિ તે શ્રમણ સમક્ષ કરુણ વિલાપ કરે કે પુત્ર માટે પ્રાર્થના કરે તો પણ સાધુ-ધર્મ પાલનમાં તત્પર તે સાધુને સંયમભ્રષ્ટ ન કરી શકે કે ગૃહસ્થ ન બનાવી શકે. 106 - કદાચ સાધુના કુટુંબીજનો તે સાધુને કામભોગ માટે પ્રલોભન આપે કે તેને બાંધીને ઘેર લઈ જાય પણ જો તે સાધુ અસંયમી જીવન ન ઇચ્છતા હોય, તો તે સાધુને મનાવીને ગૃહસ્થ બનાવી ન શકે. સૂત્ર-૧૦૭ થી 110 107- સાધુ પ્રત્યે મમત્વ દેખાડનારા માતા, પિતા, પુત્ર, પત્ની તે સાધુને શિક્ષા આપે છે કે - તમે દૂરદર્શી છો, સમજુ છો, અમારું પોષણ કરો, આવું ન કરીને તમે આલોક-પરલોક બન્ને બગાડો છો. તો અમારું પોષણ કરો. 104- સંયમભાવ રહિત કેટલાક અપરિપક્વ સાધુ માત-પીતાદિ અન્ય વ્યક્તિમાંમાં મૂચ્છિત થઈ, મોહ પામે છે, તેઓ અસંયમને ગ્રહણ કરીને પુનઃ પાપકાર્ય કરવામાં લજ્જિત થતા નથી. 109- હે પંડિત પુરુષ! તેથી તમે રાગદ્વેષરહિત બની વિચરો, પાપથી અટકો, શાંત થાઓ. વીર પુરુષો જ મોક્ષમાર્ગને પામે છે. તે મહામાર્ગ સિદ્ધિનો પથ છે. તે મુક્તિની નિકટ લઇ જનાર છે અને ધ્રુવ છે. 110- હે ભવ્યો! કર્મનું વિદારણ કરવાના માર્ગમાં પ્રવેશી મન, વચન, કાયાથી ગુપ્ત બની, ધન, સ્વજના અને આરંભનો ત્યાગ કરી, ઉત્તમ સંયમી બની વિચરે - તેમ હું કહું છું. અધ્યયન-૨ વેચાલિય ના ઉદ્દેશક-૧નો મુનિ દીપરત્નસાગરે કરેલ અનુવાદ પૂર્ણ અધ્યયન-૨, ઉદ્દેશક-૨ સૂત્ર-૧૧૧, 112 | સર્પ પોતાની કાંચળી છોડી દે, તેમ સાધુ કર્મરૂપી રજને છોડી દે. કષાયનો અભાવ જ કર્મના અભાવનું કારણ છે, એમ જાણીને અહિંસા પ્રધાન મુનિ ગોત્ર આદિનો મદ ન કરે તેમજ બીજાની નિંદા ન કરે, કેમ કે પરનિંદા અશ્રેયસ્કર જે સાધક બીજાનો તિરસ્કાર કરે છે, તે સંસારમાં ઘણું પરિભ્રમણ કરે છે, પરનિંદા પાપનું કારણ છે, અધોગતિમાં લઇ જનારી છે, એવું જાણીને મુનિ જાતિ આદિનો મદ ન કરે. મુનિ દીપરત્નસાગર કૃત્ “(સૂત્રકૃત)” આગમસૂત્ર ભાવાનુવાદ Page 15
