Agam 02 Sutrakrut Gujarati Translation

Author(s): Dipratnasagar, Deepratnasagar
Publisher: Dipratnasagar, Deepratnasagar

Page 45

આગમસૂત્ર 2, અંગસૂત્ર 2 ‘સૂત્રકૃત્’ શ્રુતસ્કન્ધ-૧ અધ્યયન-૧૦ સમાધિ સૂત્ર-૪૭૩ થી 476 473- કેવળજ્ઞાની ભગવંતે કેવલજ્ઞાન વડે જાણીને જે ઋજુ સમાધિ અર્થાત મોક્ષ દેનારા ધર્મનું કથન કરેલ છે, તેને સાંભળો. સમાધિ પ્રાપ્ત સાધુ આલોક પરલોકના સુખ અને તપના ફળની ઈચ્છારહિત, શુદ્ધ સંયમ પાળે. 474- ઊર્ધ્વ, અધો, તિર્થી દિશામાં જે ત્રસ, સ્થાવર પ્રાણી છે, તેમની હાથ કે પગથી હિંસા ન કરે અને અદત્ત વસ્તુ ગ્રહણ ન કરે... 475- સુઆખ્યાતધર્મમાં શંકા ન કરનાર તથા નિર્દોષ આહારી, બધા પ્રાણીને આત્મતુલ્ય માને, જીવિતને માટેઆAવોનું સેવન ન કરે, તેમજ ધાન્યાદિ સંચય ન કરે... 476- સ્ત્રીના વિષયમાં સર્વેન્દ્રિય રોકે, સર્વ બંધનથી મુક્ત થઈને વિચરે. લોકમાં પૃથક્ પૃથક્ પ્રાણીવર્ગ આર્ત અને દુઃખથી પીડિત છે, તે જુઓ. સૂત્ર-૪૭૭ થી 480 477- અજ્ઞાની જીવ પૃથ્વીકાયાદિને દુઃખ આપી પાપકર્મ કરતો વારંવાર તે-તે યોનિઓમાં ભમે છે, તે આ પાપકર્મ પોતે કરે છે કે બીજા પાસે કરાવે છે... 478- જે પુરુષ દીન વૃત્તિ કરે છે તે પણ પાપકર્મ કરે છે, તેવું જાણી તીર્થકરોએ એકાંત ભાવસમાધિ કહી છે, તેથી પંડિત સાધુ ભાવસમાધિ અને વિવેકમાં રત બની પ્રાણાતિપાત ત્યાગી વિરત એવો સ્થિતાત્મા બને... 479- સર્વ જગતને સમભાવે જોનાર કોઈનું પ્રિય કે અપ્રિય ન કરે. કોઈ કોઈ દીક્ષિત થઈ, ઉપસર્ગ આદિ આવતા ફરી દીન બને છે તો કોઈ પૂજા-પ્રશંસાના કામી બને છે... 480- જે દિક્ષા લઈને આધાકર્મી આહારની ઇચ્છાથી વિચરે તે કુશીલ છે. તે અજ્ઞાની સ્ત્રીમાં આસક્ત બની. પરિગ્રહ કરતો પાપની વૃદ્ધિ કરે છે. સૂત્ર-૪૮૧ થી 484 481- વૈરાનુવૃદ્ધ પુરુષ કર્મનો સંચય કરે છે, અહીંથી મરીને દુઃખરૂપ સ્થાનને પામે છે, તેથી વિવેકી સાધુ ધર્મની સમીક્ષા કરી, સર્વ દુરાચારોથી દૂર રહી સંયમનું પાલન કરે. 482- સાધુ, ભોગમય જીવનની ઈચ્છાથી ધનનો સંચય ન કરે, અનાસક્ત થઈ સંયમમાં પરાક્રમ કરતો. વિચરે, વિચારપૂર્વક ભાષા બોલે. શબ્દાદિ વિષયોમાં આસક્ત ન બને. હિંસાયુક્ત કથા ન કરે... 483- આધાકર્મી આહાર આદિની ઇચ્છા ન કરે, તેવી ઇચ્છા કરનારો પરિચય ન કરે, અનુપ્રેક્ષા પૂર્વક સ્થૂળ શરીરની પરવા કર્યા વિના તેને કશ કરે અર્થાત સંયમનું પાલન કરે. 484- સાધુ એકત્વની ભાવના કરે, એકત્વ ભાવના જ મોક્ષ છે, તે મિથ્યા નથી, આ મોક્ષ જ સત્ય અને શ્રેષ્ઠ છે, તે જુઓ. તેનાથી યુક્ત અક્રોધી, સત્યરત અને તપસ્વી બને છે. સૂત્ર-૪૮૫ થી 488 485- જે સાધુ, સ્ત્રી સાથેના મૈથુનથી વિરત હોય, પરિગ્રહ ન કરતો હોય, મનોજ્ઞ-અમનોજ્ઞ વિષયોમાં રાગ-દ્વેષ ન કરતો હોય, જીવ માત્રની રક્ષા કરે, તે નિઃસંદેહ સમાધિ પામે છે... 486- ભિક્ષુ રતિ-અરતિ છોડીને તૃણસ્પર્શ, શીતસ્પર્શ, ઉષ્ણ, ડાંસ આદિને તથા સુગંધ-દુર્ગધને સહે. 487- વચનગુપ્ત સાધુ ભાવ સમાધિને પ્રાપ્ત થાય છે. તે સાધુ શુદ્ધ લશ્યાને ગ્રહણ કરી સંયમાનુષ્ઠાન કરે, પોતે ઘર સંબંધી સમારકામ ન કરે - ન કરાવે, તેમજ સ્ત્રી સાથે સંપર્ક ન રાખે. મુનિ દીપરત્નસાગર કૃત્ “(સૂત્રકૃત)” આગમસૂત્ર ભાવાનુવાદ Page 45