Book Title: Agam 02 Sutrakrut Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 2, અંગસૂત્ર 2 ‘સૂત્રકૃત્’ શ્રુતસ્કન્ધ-૨ અધ્યયન-૭ નાલંદીય સૂત્ર-૭૯૩, 794 (અપૂર્ણ) તે કાળે તે સમયે રાજગૃહ નામે નગર હતું. તે ઋદ્ધ-તિમિત-સમૃદ્ધ-વાવ-પ્રતિરૂપ હતું. તે રાજગૃહ નગરની બહાર ઈશાન ખૂણામાં નાલંદા નામની બાહિરિકા-ઉપનગરી હતી. તે અનેકશત ભવનોથી રચાયેલી યાવત્ પ્રતિરૂપ હતી. તે નાલંદા બારિરિકામાં લેપ નામે ગાથાપતિ હતો. તે ધનીક, દિપ્ત, પ્રસિદ્ધ હતો. વિસ્તીર્ણ વિપુલ ભવનશયન-આસન-પાન-વાહનથી પરિપૂર્ણ હતો. તેની પાસે ઘણા ધન-સોનુ-ચાંદી હતા. તે ધનના અર્જનના ઉપાયોનો જ્ઞાતા અને અનેક પ્રયોગોમાં કુશળ હતો. તેને ત્યાં લોકોને ઘણા અન્ન-પાણી અપાતા હતા. તે ઘણા દાસ-દાસી-ગાય-ભેંસ-ઘેટાનો સ્વામી હતો. ઘણા લોકોથી પરાભવ પામતો ન હતો. સૂત્ર-૭૯૪ (શેષભાગ) - તે લેપ નામક ગાથાપતિ શ્રમણોપાસક પણ હતો. તે જીવ-અજીવાદિનો જ્ઞાતા થઈ યાવત્ વિચરતો હતો. તે નિર્ઝન્થ પ્રવચનમાં નિઃશંકિત, નિષ્કાંક્ષિત, નિર્વિચિકિત્સ, લબ્ધાર્થ, ગૃહીતાર્થ, પુચ્છિતાર્થ, વિનિશ્ચિત-અર્થ, અભિગૃહીતાર્થ, અસ્થિ-મજાવત્ ધર્માનુરાગરત હતો. (કોઈ પૂછે તો કહેતો) હે આયુષ્યમાન્ ! આ નિર્ચન્જ પ્રવચન જ સત્ય છે, પરમાર્થ છે, બાકી બધું અનર્થ છે. સ્ફટિકમય યશવાળું છે તેના દ્વાર સદા ખુલ્લા રહેતા, અંતઃપુર પ્રવેશ તેને માટે ખુલ્લો હતો. તે ચૌદશ-આઠમ-પૂનમ-અમાસમાં પ્રતિપૂર્ણ પૌષધનું સમ્યક્ અનુપાલન કતો હતો. શ્રમણ-નિર્ચન્થને તથાવિધ એષણીય અશન-પાન-ખાદિમ-સ્વાદિમ વડે પ્રતિલાભિત કરતો, ઘણા શીલ-વ્રત-ગુણ-વિરમણ-પ્રત્યાખ્યાન-પૌષધોપવાસ વડે પોતાના આત્માને ભાવિત કરતો વિચરતો હતો. સૂત્ર-૭૯૫, 796 તે લેપ ગાથાપતિને નાલંદા બારિરિકાના ઇશાન ખૂણામાં શેષદ્રવ્યા નામક ઉદકશાળા હતી. તે અનેક શત સ્તંભો પર રહેલી હતી. પ્રાસાદીય યાવતુ પ્રતિરૂપ હતી. તે શેષદ્રવ્યા ઉદકશાળાના ઇશાન ખૂણામાં હસ્તિયામ નામે એક વનખંડ હતું. તે વનખંડ કૃષ્ણવર્ગીય હતું. તે વનખંડના ગૃહપ્રવેશમાં ભગવંત ગૌતમ વિચરતા હતા. તેઓ ત્યાં નીચે બગીચામાં હતા. તે સમયે ભગવંત પાર્થાપત્યીય ઉદક પેઢાલપુત્ર નિર્ચન્થ જે મેતાર્ય ગોત્રીય હતા, તે ભગવાન ગૌતમ પાસે આવ્યા. આવીને ભગવાન ગૌતમને આ પ્રમાણે કહ્યું - હે આયુષ્યમાન્ ગૌતમ ! મારે આપને કેટલાક પ્રશ્નો પૂછવા છે. હે આયુષ્યમાન્ ! આપે જેવું સાંભળેલ, જોયેલ હોય તેવું જ મને વિશેષ વાદપૂર્વક કહો. ભગવંત ગૌતમે ઉદક પેઢાલપુત્રને આમ કહ્યું કે - હે આયુષ્ય માન્ ! આપનો પ્રશ્ન સાંભળી, વિચારીને હું જે જાણતો હોઈશ તેમ વાદ સહિત કહીશ. ઉદક પેઢાલપુત્રે ગૌતમને આમ કહ્યું - સૂત્ર-૭૯૭ થી 79 797- હે આયુષ્યમાન્ ગૌતમ! કુમારપુત્ર નામે શ્રમણ નિર્ચન્થ છે, જે પ્રવચનની પ્રરૂપણા કરે છે. તેઓ કોઈ ગૃહસ્થ શ્રમણોપાસક આવે તો આ પ્રમાણે પચ્ચકખાણ કરાવે છે - અભિયોગ સિવાય ગાથાપતિ ચોર-ગ્રહણ વિમોક્ષણ ન્યાયે ત્રસ પ્રાણીની હિંસાનો ત્યાગ છે. આ રીતે પચ્ચકખાણ દુષ્પત્યાખ્યાન થાય છે. આવું પચ્ચકખાણ કરાવવું તે દુષ્પત્યાખ્યાન કરાવ્યું કહેવાય, આ રીતે પચ્ચકખાણ કરાવતા પ્રતિજ્ઞાનું ઉલ્લંઘન કરે છે. તેનું શું કારણ છે? મુનિ દીપરત્નસાગર કૃત્ “(સૂત્રકૃત)” આગમસૂત્ર ભાવાનુવાદ Page 93
