Agam 02 Sutrakrut Gujarati Translation

Author(s): Dipratnasagar, Deepratnasagar
Publisher: Dipratnasagar, Deepratnasagar

Page 42

આગમસૂત્ર 2, અંગસૂત્ર 2 ‘સૂત્રકૃત્’ સૂત્ર-૪૨૫, 426 425- જ્ઞાની પુરુષ જો કોઈ પ્રકારે પોતાના આયુષ્યનો ક્ષયકાળ જાણે તો તેના ક્ષય થયા પહેલા જલ્દીથી જ તે સંલેખનારૂપ શિક્ષા ગ્રહણ કરે. 426- જેમ કાચબો પોતાના અંગોને પોતાના દેહમાં સંકોચી લે, તેમ સાધુ પોતાના પાપોને સમ્યગુ ધર્માદિ ભાવના વડે સંહરી લે. સૂત્ર-૪૨૭, 428 427- સાધુ પોતાના હાથ, પગ, મન અને પાંચ ઇન્દ્રિયોને સંકુચિત કરે અથવા ગોપવીને રાખે. પાપમય પરિણામ અને ભાષાદોષનો ત્યાગ કરે. 428- પંડિત પુરુષ અલ્પ પણ માન અને માયા કરે. તેના અશુભ ફળને જાણીને સુખશીલતાની પ્રાપ્તિ થાય ત્યારે અહંકાર ન કરે તથા ક્રોધ આદિથી ઉપશાંત થઈ, સરળતાથી એટલે કે નિષ્કપટ ભાવે વિચરે. સૂત્ર-૪૨૯, 430 429- પ્રાણીઓની હિંસા ન કરે, અદત્ત વસ્તુ ગ્રહણ ન કરે. માયા મૃષાવાદ ન કરે, એ જ જિતેન્દ્રિય સંયમી. સાધકનો ધર્મ છે... 430- મુનિ વચનથી કે મનથી કોઈપણ જીવને પીડા કરવા ન ઇચ્છે. સર્વથા સંવૃત્ત અર્થાત બહારથી અને અંદરથી ગુપ્ત રહી, ઇન્દ્રિય દમન કરી, સારી રીતે સંયમ પાળે. સૂત્ર-૪૩૧, 432 431- આત્મગુપ્ત, જિતેન્દ્રિય પુરુષ કોઈએ કરેલા, કરાતા કે ભવિષ્યમાં કરાનારા સર્વે પાપકાર્યોનું અનુમોદન કરતા નથી. 432- જે પુરુષ મહાભાગ અને વીર હોય, પણ બુદ્ધ અને સભ્યત્વદર્શી ન હોય, તો તવા મિથ્યાષ્ટિનું તપ-દાન વગેરે બધું અશુદ્ધ છે અને કર્મબંધનું કારણ છે. સૂત્ર-૪૩૩ થી 436 433- જે વસ્તુ સ્વરૂપને જાણનાર, મહા પૂજનીય, કર્મ વિદારવામાં નિપુણ અને સભ્યત્વદર્શી છે, તેના તપ-દાન આદિ સર્વે અનુષ્ઠાન શુદ્ધ અને સર્વથા કર્મફલરહિત હોય છે. 434- જે ઉત્તમકુલમાં જન્મી, દીક્ષા લઈ, પૂજા-સત્કાર માટે તપ કરે છે, તો તેમનું તપ શુદ્ધ નથી. તેથી સાધુ પોતાના તપને ગુપ્ત રાખે અને આત્મ-પ્રશંસા ન કરે. 435- સંયમ નિર્વાહ માટે સાધુ સુવ્રતી, અલ્પભોજી, અલ્પજલગ્રાહી, અલ્પભાષી બને. તથા ક્ષમાવાન, આસક્તિ રહિત, જિતેન્દ્રિય, વિષયોમાં અનાસક્ત બની હંમેશા સંયમાનુષ્ઠાન કરે. 436- સાધુ ધર્મધ્યાન આદિ શુભ યોગને ગ્રહણ કરીને, સર્વ પ્રકારે કાયાનો વ્યુત્સર્ગ કરે. પરિષહ અને ઉપસર્ગમાં સહિષ્ણુતા રાખવી તે ઉત્તમ જાણીને મોક્ષ પર્યન્ત સંયમ પાળે - તેમ હું કહું છું. શ્રુતસ્કંધ-૧, અધ્યયન-૮ ‘વીર્ય નો ભાવાનુવાદ પૂર્ણ મુનિ દીપરત્નસાગર કૃત્ “(સૂત્રકૃત)” આગમસૂત્ર ભાવાનુવાદ Page 42