Agam 02 Sutrakrut Gujarati Translation

Author(s): Dipratnasagar, Deepratnasagar
Publisher: Dipratnasagar, Deepratnasagar

Page 41

આગમસૂત્ર 2, અંગસૂત્ર 2 ‘સૂત્રકૃત્’ શ્રુતસ્કન્ધ-૧ અધ્યયન-૮' વીર્ય સૂત્ર-૪૧૧, 412 411- તીર્થંકરે વીર્ય બે પ્રકારે કહેલું છે. અહી શિષ્ય પ્રશ્ન કરે છે કે- વીરપુરુષનું વીરત્વ શું છે ? તેને વીર શા. માટે કહે છે ?.. 412- શિષ્યને ઉત્તર આપતા કહે છે કે- હે સુવ્રતો ! કોઈ કર્મને વીર્ય કહે છે, કોઈ અકર્મને વીર્ય કહે છે. મર્યલોકના માનવીઓ આ બે ભેદમાં જ સમાવેશ પામે છે. સૂત્ર-૪૧૩, 414 413- તીર્થંકરભગવંતે પ્રમાદને કર્મ ખેલ છે અને અપ્રમાદને અકર્મ કહેલ છે. ભાવ આદેશથી પ્રમાદીને બાળવીર્ય ખેલ છે અને અપ્રમાદીને પંડિતવીર્ય કહેલ છે. 414- બાળવીર્યનું પ્રતિપાદન કરતા કહે છે- કોઈ અજ્ઞાની જીવ પ્રાણીના ઘાતને માટે શસ્ત્રોનું શિક્ષણ લે છે, કોઈ પ્રાણી-ભૂતોના વિનાશ માટે મંત્રોનું અધ્યયન કરે છે. સૂત્ર-૪૧૫, 416 415- માયાવી માયા કરીને કામ-ભોગોનું સેવન કરે છે. પોતાના સુખના અનુગામી એવા તે પ્રાણીઓનું હનન, છેદન, કર્તન કરે છે... 416- તે અસંયમી જીવો મન, વચન અને કાયાથી તથા તંદુલમલ્યની માફક મનથી આલોક-પરલોક અને બંને માટે પ્રાણીનો ઘાત પોતે કરે છે અને બીજા પાસે કરાવે છે. સૂત્ર-૪૧૭, 418 417- પ્રાણીનો ઘાટ કરનારા જીવો તેમની સાથે વૈર બાંધે છે, પછી વૈરની પરંપરા થાય છે, સાવદ્યા અનુષ્ઠાનથી પાપ પ્રવૃત્તિ કરે છે અને છેલ્લે દુઃખના ભાગી થાય છે... 418- સ્વયં દુકૃત કરનારા જીવો સાંપરાયિક અર્થાતુ કષાયપૂર્વક કર્મો બાંધે છે, રાગ-દ્વેષનો આશ્રય લઇ તે અજ્ઞાની જીવો ઘણા પાપો કરે છે. સૂત્ર-૪૧૯ થી 421 419- આ અજ્ઞાની જીવોનું સકર્મ અર્થાત્ બાળવીર્ય કહ્યું. હવે પંડિતોનું અકર્મવીર્ય મારી પાસે સાંભળો. 420- મોક્ષાર્થી પુરુષ કષાયરૂપ બંધનથી મુક્ત હોય છે, સર્વે બંધનો છોડીને, પાપ કર્મને તજીને, અંતે સર્વે શલ્યોને અર્થાત્ પાપકર્મોને કાપી નાંખે છે. 421- તીર્થંકર દ્વારા સુકથિત મોક્ષમાર્ગને ગ્રહણ કરીને પંડિતપુરુષો મોક્ષ માટે ઉદ્યમ કરે, બાલવીર્યવાળો. જેમ જેમ નરકાદિ દુઃખાવાસ ભોગવે, તેમ તેમ તેનું અશુભધ્યાન વધે છે. સૂત્ર-૪૨૨ થી 424 422- ઉચ્ચ સ્થાન પર બેઠેલા બધાં જીવો, આયુષ્ય પૂરું થતા પોતપોતાના તે-તે સ્થાન એક દિવસ છોડી દેશે તેમાં સંશય નથી. તથા જ્ઞાતિજનો અને મિત્રો સાથેનો વાસ પણ અનિત્ય છે. 423- એવું જાણીને મેઘાવી પુરુષ પોતાની આસક્તિને છોડે અને સર્વ ધર્મોમાં નિર્મલ અને અદૂષિત એવા આર્યધર્મને ગ્રહણ કરે છે. 424- સ્વબુદ્ધિથી જાણીને અથવા ગુરૂ આદિ પાસેથી સાંભળીને, ધર્મના સત્ય સ્વરૂપને સમજીને જ્ઞાનાદિ ગુણોના ઉપાર્જનમાં તત્પર સાધુ પાપનું પ્રત્યાખ્યાન કરે. મુનિ દીપરત્નસાગર કૃત્ “(સૂત્રકૃત)” આગમસૂત્ર ભાવાનુવાદ Page 41