Agam 02 Sutrakrut Gujarati Translation

Author(s): Dipratnasagar, Deepratnasagar
Publisher: Dipratnasagar, Deepratnasagar

Page 32

આગમસૂત્ર 2, અંગસૂત્ર 2 ‘સૂત્રકૃ’ 312- જેમ જીવતી માછલી આગમાં પડતા સંતપ્ત થાય છે, પણ બીજે જઈ શકતી નથી. તેમ પરમાધામી. ચારે દિશામાં અગ્નિ જલાવીને તે અજ્ઞાની નારકીઓને બાળે છે. તો પણ નારક-જીવોને ત્યાં જ રહેવું પડે છે. સૂત્ર- 313, 314 313- સંતક્ષણ નામનું એક મહાસંતાપ ઉત્પન્ન કરનાર નરક છે. ત્યાં પરમાધામીદેવો હાથમાં કુહાડી લઈને, નારક જીવોના હાથ-પગ બાંધીને લાકડાની જેમ તેઓને છોલી નાખે છે... 314- પરમાધામી દેવો તે નારકી જીવોનું લોહી કાઢીને લોઢાની ગરમ કડાઈમાં નાંખી, નારકોને જીવતી માછલી માફક તળે છે, નારકોને ઊંચા-નીચા કરી પકાવે છે, પછી તેના શરીરને મળે છે, મસ્તકના ચૂરેચૂરા કરે છે. સૂત્ર-૩૧૫ થી 317 315- તે નરકજીવો ત્યાં નરકની આગમાં બળીને રાખ થતા નથી કે નરકની તીવ્ર વેદનાથી મરતા નથી. પણ આ લોકમાં પોતાના કરેલા દુષ્કૃત્યોથી દુઃખી થઈ નરકની વેદના ભોગવે છે. 316- ત્યાં અતિ ઠંડીથી પીડાતા નારક જીવો પોતાની ટાઢ દૂર કરવા સુતપ્ત અગ્નિ પાસે જાય છે. પણ ત્યાં દુર્ગમ સ્થાનમાં તે બિચારા શાતા પામતા નથી. પણ ત્યાં ભયંકર અગ્નિથી બળવા લાગે છે. - 317- જેમ કોઈ નગરના વિનાશ સમયે જનતાનો કોલાહલ સંભળાય છે, તેમ નરકમાં કરુણ અને ચિત્કાર ભરેલા શબ્દો સંભળાય છે. મિથ્યાત્વનાં ઉદયવાળા પરમાધામી દેવો, કર્મોના ઉદયવાળા નારકોને પુનઃ પુનઃ ઉત્સાહથી વારંવાર દુઃખ આપે છે. સૂત્ર-૩૧૮, 319 318- પરમાધામી દેવો નારક જીવોના અંગોને કાપીને તેના પ્રાણોનું વિયોજન કરે છે, તેનું યથાર્થ કારણ હું તમને બતાવું છું. તેણે પૂર્વે જેવો દંડ બીજાને આપ્યો છે, તેવો જ દંડ તે અજ્ઞાનીને પરમાધામીઓ આપે છે. નારકીને દંડ આપીને પૂર્વકૃત્ પાપોનું સ્મરણ કરાવે છે.. 319- નરકપાળો વડે તાડીત થવાથી તે નારકો વિષ્ટા-મૂત્રવાળા સ્થાનમાં પડે છે, ત્યાં તે વિષ્ટા અને મૂત્રનું ભક્ષણ કરતા ચીરકાળ રહે છે અને કર્મને વશ થઈ ત્યાં કીડાઓ દ્વારા ખવાય છે. સૂત્ર-૩૨૦, 321 - 320- નરક જીવોને રહેવાનું સ્થાન સદા ઉષ્ણ રહે છે. સ્વભાવથી જ અતિ દુઃખપ્રદ છે. ત્યાં પરમાધામીદેવો નારકોને બેડીના બંધનમાં નાંખે છે અને નારકોના શરીર અને મસ્તકમાં છિદ્ર કરી પીડે છે. 321- પરમાધામી દેવો તે અજ્ઞાનીના નાક, હોઠ અને કાનને તિણ અસ્ત્રાથી છેદે છે તથા જીભ બહાર ખેંચીને તેમાં તીણ શૂળ ભોંકી નારકોને પીડા આપે છે. સૂત્ર-૩૨૨ થી 324 322- નારકોના શરીરથી લોહી-પરુ ઝરતા રહે છે, તેઓ સૂકાયેલા તાળપત્ર માફક શબ્દ કરતા રાત-દિના રડે છે. અગ્નિમાં બળતા અને ક્ષાર પ્રક્ષિપ્ત તે નારકનાં અંગથી લોહી, પરું, માંસ ઝર્યા કરે છે. 323- લોહી અને પરુ પકાવનારી, નવા સળગાવેલા અગ્નિ જેવી તપ્ત, પુરુષથી અધિક પ્રમાણવાળી, લોહી-પરુથી ભરેલી કુંભી વિશે તમે સાંભળેલ હશે. 324- પરમાધામી તે કુંભીમાં આર્તસ્વરે કરુણ છંદન કરતા અજ્ઞાની નારકોને નાંખી પકાવે છે, તેમને તરસ લાગતા સીસું અને તાંબુ ગાળીને પાય છે, ત્યારે તે આર્તસ્વરે રુદન કરે છે. સૂત્ર-૩૫, 326 325- પૂર્વે અધમ ભાવોમાં હજારો વખત પોતે પોતાને ઠગીને તે ઘણા શૂરકર્મી ત્યાં સેંકડો અને હજારો વખત નીચ ભવ પામી નરકમાં નિવાસ કરે છે. જેને જેવા કર્મ પૂર્વ જન્મમાં કર્યા હોય તેવી જ પીડા તે પામે છે. મુનિ દીપરત્નસાગર કૃત્ “(સૂત્રકૃત)” આગમસૂત્ર ભાવાનુવાદ Page 32