Book Title: Agam 02 Sutrakrut Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 2, અંગસૂત્ર 2 ‘સૂત્રકૃ’ લાવો, દંત પ્રક્ષાલક એ બધું લાવી આપો.. 289- સોપારી અને પાન લાવો, સોય-દોરા લાવો. મૂત્ર કરવા માટેનું પાત્ર લાવો, સૂપડું, ખાંડણી તથા ખાર ગાળવાનું પાત્ર લાવો. (વળી તે સ્ત્રી કહે છે કે-) સૂત્ર– 290 થી 293 290- દેવપૂજાનું પાત્ર લાવો, મદિરાપાત્ર લાવો. હે આયુષ્યમાન્ શૌચાલયનું ખનન કરો, પુત્રને રમવા માટે ધનુષ લાવો , તમારા પુત્રને ગાડીમાં ફેરવવા માટે એક બળદ લાવો... 291- માટીની ઘટિકા તથા ડિંડિમ લાવો, કુમારને રમવા માટે કાપડનો દડો લાવો. વર્ષાઋતુ નજીક છે માટે મકાન અને અન્નનો પ્રબંધ કરો... 292- નવી સૂતળીથી બનેલ માંચી લાવો, ચાલવા માટે પાદુકા લાવો. મને ગર્ભ-દોહદ ઉત્પન્ન થયો છે, તેની પૂર્તિ માટે અમુક વસ્તુ લાવો, આ રીતે નોકર માફક પુરુષ પર હૂકમ કરે છે... 293- પુત્ર જન્મ થતા તે સ્ત્રી ક્રોધિત થઈને કહે છે - આ પુત્રને લો અથવા ત્યાગી દો. આ રીતે કોઈ પુત્રપોષણમાં આસક્ત ઉટની જેમ ભારવાહી બની જાય છે. સૂત્ર-૨૯૪, 295 294- સ્ત્રીવશ પુરુષ રાત્રે ઉઠીને પણ પુત્રને ધાવમાતા માફક ખોળામાં સૂવાડે છે, શરમ આવતી હોવા છતાં પણ ધોબીની માફક કપડા ધુવે છે. 295- આ પ્રમાણે પૂર્વે ઘણા સ્ત્રી-વશ પુરુષોએ આવું કર્યું છે, જે પુરુષ ભોગનાં નિમિત્તે સાવધકાર્યમાં આસક્ત છે, તે દાસ-પશુ કે મૃગ જેવો થઈ જાય છે અથવા તેનાથી પણ અધમ છે. સૂત્ર- 296, 297 296- આ પ્રમાણે સ્ત્રીના વિષયમાં કહ્યું છે, માટે સાધુ સ્ત્રી સાથે પરિચય કે સહવાસ ન કરે. આ કામભોગો પાપોત્પાદક છે, તેમ તીર્થંકરે કહ્યું છે. 297- સ્ત્રી સંસર્ગ ભયોત્પાદક છે, કલ્યાણકારી નથી, તેથી સાધુ આત્મનિરોધ કરે અને સ્ત્રી તથા પશુનો સ્વયં હાથથી સ્પર્શ ન કરે. સૂત્ર– 298, 29 ૨૯૮વિશુદ્ધ લેશ્યાવાન, મેધાવી, જ્ઞાની સાધુ મન-વચન-કાયાથી પરક્રિયાનો ત્યાગ કરે અને સાધુ અનુકુળ પ્રતિકુળ વગેરે સર્વ પરિષહ સહન કરે. 299- જેમને સ્ત્રીસંપર્ક જનિત કર્મોને દૂર કર્યા છે, જે રાગ-દ્વેષ રહિત છે, તે સાધુ છે, એવું વીર ભગવંતે કહ્યું છે. તેથી અધ્યાત્મ વિશુદ્ધ, સુવિમુક્ત સાધુ મોક્ષ અનુષ્ઠાનમાં પ્રવૃત્ત રહે. તેમ હું કહું છું. અધ્યયન-૪ સ્ત્રી પરિજ્ઞા' ના ઉદ્દેશક-૨નો મુનિ દીપરત્નસાગરે કરેલ અનુવાદ પૂર્ણ શ્રુતસ્કંધ-૧, અધ્યયન-૪ સ્ત્રી પરિજ્ઞા નો ભાવાનુવાદ પૂર્ણ મુનિ દીપરત્નસાગર કૃત્ (સૂત્રકૃત)” આગમસૂત્ર ભાવાનુવાદ Page 30
