Prakrit Path Chayanika Ucchatar Pathyakram

Author(s): B L Institute of Indology
Publisher: B L Institute of Indology

Page 75

उवासगदसाओ 4 73 जाव पव्वइत्तए। अहं णं देवाणुप्पियाणं अन्तिए पञ्चाणुव्वइयं सत्तसिक्खावइयं दुवालसविहं गिहिधम्म पडिवज्जिस्सामि।" अहासुह, देवाणुप्पिया, मा पडिबन्धं करेह // 12 // तए णं से आणन्दे गाहावई समणस्स भगवओ महावीरस्स अन्तिए तप्पढमयाए थूलगं पाणाइवायं पच्चक्खाइ। “जावज्जीवाए दुविहं तिविहेणं न करेमि न कारवेमि मणसा वयसा कायसा" // 13 // तयाणन्तरं च णं थूलगं मुसावायं पच्चक्खाइ "जावज्जीवाए दुविहं तिविहेणं न करेमि न कारवेमि मणसा वयसा कायसा" // 14 // तयाणन्तरं च णं थूलगं अदिण्णादाणं पच्चक्खाइ “जावज्जीवाए दुविहं तिविहेणं न करेमि न कारवेमि मणसा वयसा कायसा" // 15 // तयाणन्तरं च णं सदारसन्तोसीए परिमाणं करेइ। “नन्नत्थ एक्काए सिवनन्दाए भारियाए, अवसेसं सव्वं मेहुणविहिं पच्चक्खामि३" // 16 // __ तयाणन्तरं च णं इच्छाविहिपरिमाणं करेमाणे, हिरण्णसुवण्णविहिपरिमाणं करेइ। "नन्नत्थ चउहिं हिरण्णकोडीहिं निहाणपउत्ताहिं, चउहिं वडिपउत्ताहिं, चउहिं पवित्थरपउत्ताहिं, अवसेसं सव्वं हिरण्णसुवण्णविहिं पच्चक्खामि३" // 17 // तयाणन्तरं च णं चउप्पयविहिपरिमाणं करेइ, “नन्नत्थ चउहिं वएहिं दसगोसाहस्सिएणं वएणं, अवसेसं सव्वं चउप्पयविहिं पच्चक्खामि 3" // 18 // - तयाणन्तरं च णं खेत्तवत्थुविहिपरिमाणं करेइ। "नन्नत्थ पञ्चहिं हलसएहिं नियत्त सिइएणं हलेणं, अवसेसं सव्वं खेत्तवत्थुविहिं पच्चक्खामि 3" // 19 // - तयाणन्तरं च णं सगडविहिपरिमाणं करेइ। "नन्नत्थ पञ्चहिं सगडसएहिं दिसायत्तिएहिं, पञ्चहिं सगडसएहिं संवाहणिएहिं, अवसेसं सव्वं सगडविहिं पच्चक्खामि 3" // 20 // तयाणन्तरं च णं वाहणविहि परिमाणं करेइ। “नन्नत्थ चउहिं वाहणेहिं दिसायत्तिएहिं, चउहिं वाहणेहिं संवाहणिएहिं, अवसेसं सव्वं वाहणविहिं, पच्चक्खामि 3" // 21 // तयाणन्तरं च णं उवभोगपरिभोगविहिं पच्चक्खाएमाणे उल्लणियाविहिपरिमाणं करेइ। "नन्नथ एगाए गन्धकासाईए, अवसेसं सव्वं उल्लणियाविहिं पच्चक्खामी 3" // 22 // तयाणन्तरं च णं दन्तवणविहिपरिमाणं करेइ। “नन्नत्थ एगेणं अल्ललट्ठीमहुएणं, अवसेसं दन्तवणविहिं पच्चक्खामि 3" // 23 // तयाणन्तरं च णं फलविहिपरिमाणं करेइ। “नन्नत्थ एगेणं खीरामलएणं, अवसेसं फलविहिं पच्चक्खामि 3" // 24 //