Prakrit Path Chayanika Ucchatar Pathyakram

Author(s): B L Institute of Indology
Publisher: B L Institute of Indology

Page 96

षटखण्डागम आचार्य पुष्पदंत-भूतबलि विरचित णमो अरिहंताणं, णमो सिद्धाणं णमो आइरियाणं / णमो उवज्झायाणं, णमो लोए सव्व साहूणं // 1 // एत्तो इमेसिं चोद्दसण्हं जीवसमासाणं मग्गणट्ठदाए तत्थ इमाणि चोदस चेव द्वाणाणि णायव्वाणि भवंति // 2 // तं जहा // 3 // गइ इंदिए काए जोगे वेदे कसाए णाणे संजमे दंसणे लेस्सा भविय सम्मत्त सण्णि आहारए चेदि // 4 // एदेसिं चेव चोद्दसण्हं जीवसमासाणं परूवणट्ठदाए तत्थ इमाणि अट्ठ अणियोगद्दाराणि णायव्वाणि भवंति ॥५॥तं जहा // 6 // संतपरूवणा दव्वपमाणाणुगमो खेत्ताणुगमो फोसणाणुगमो कालाणुगमो अंतराणुगमो भावाणुगमो अप्पा बहुगाणुगमो चेदि ॥७॥संतपरूवणदाए दुविहो णिद्देसो ओघेण आदेसेण य ॥८॥ओघेण अत्थि मिच्छाइट्ठी ॥९॥सासणसम्माइट्ठी // 10 // सम्मामिच्छाइट्ठी // 11 // असंजदसम्माइट्ठी // 12 // संजदासंजदा // 13 // पमत्तसंजदा // 14 // अप्पमत्तसंजदा // 15 // अपुव्वकरण-पविट्ठ सुद्धि संजदेसु अत्थि उवसमा खवा // 16 // अणियट्टि बादर सांपराइय पविट्ठ सुद्धि संजदेसु अत्थि उवसमा खवा ॥१७॥सुहुम सांपराइय पविट्ठ सुद्धि संजदेसु अत्थि उवसमा खवा // 18 // उवसंत कसाय-वीयराय छदुमत्था // 19 // वीयराय-छदुमत्था ॥२०॥संजोगकेवली // 21 // अजोगकेवली // 22 // सिद्धा चेदि // 23 // आदेसेण गदियाणुवादेण अत्थि णिरयगदी तिरिक्खगदी मणुस्सगदी देवगदी सिद्धगदी चेदी ॥२४॥णेरइया