________________
દીક્ષાલીધા પછી પ્રભુને થયેલા પ્રતિકૂળ અને અનુકૂળ ઉપસર્ગો
પ્રભુને દીક્ષા મહોત્સવ વખતે ઈન્દ્રાદિ દેવોએ જે ગોશીર્ષચંદનાદિ સુગંધમય ઉત્તમ પદાર્થોથી તથા પુષ્પોથી પૂજ્યા હતા. તે પદાર્થોની સુગંધી ચાર મહિનાથી પણ વધારે સમય સુધી પ્રભુના શરીર પર તેવી જ રહી હતી. આવી અલૌકિક સુગંધીને લીધે દૂર દૂરથી ખેંચાઈને આવેલા ભમરા પ્રભુને ડંખ દેવા લાગ્યા. ચારે તરફ ફેલાઈ રહેલી સુગંધીને લીધે કેટલાક જુવાનીઆ ગંધપુરા માગવા લાગ્યા, પરંતુ મહાવીર તે મૌન રહ્યા. તેથી તેઓ ક્રોધાયમાન થઈ પ્રભુને પ્રતિકૂળ ઉપસર્ગ કરવા લાગ્યા. સ્ત્રીઓ પણ અદ્ભુત સૌન્દર્યવાળા અને સુગમય શરીરવાળા વીરને ભોગ
પ્રાર્થનાદિ કરવા લાગી પણ પ્રભુ તો મેરૂની પેઠે નિશ્ચલ રહ્યા અને ૧. સર્વ ઉપસર્ગોને સમભાવપણે સહન કરતા વિચરવા લાગ્યા.
વિહાર કરતા પ્રભુ તે દિવસે બે ઘડી દિવસ બાકી રહ્યો ત્યારે કુમાર નામના ગામે પહોંચ્યા અને ત્યાં રાત્રિએ કાઉસગ્ગ ધ્યાને રહ્યા.
