Kahavali Pratham Paricched Part 02

Author(s): Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 268

[२५१]
पोसहसालमागंतुं पुणो पुणो भणइ - 'हं भो महासयगा सावया ! किं धम्मत्थी किलिस्ससि ? जओ धम्मस्स वि भोगो फलं । ते य मए सह सरसे भुंजसु' । महासयगो वि तमगणेतो छहिं संवच्छरेहि तवोविसेसं काऊण सोसियसरीरो पडिवण्णोऽणसणं । समुप्पण्णं सुभपरिणामेण तस्सोहिनाणं । तेण य पेच्छइ सव्वं भरहखेत्तं संवड्डिायं] च लवणसमुद्दस्स जोयणसहस्सं, उवरिं च सोहम्मं जाव हे?ओ य रयणप्पभाए पढमपत्थडं जाव । पडिवण्णाणसणस्स य महासयगस्स तहेव मत्ता आगंतुं रेवई वोत्तुमाढत्ता रुट्ठो य महासयगो । दिन्नोहिनाणोवओगो तं भणइ – 'हा हा रेवइगे ! दुरायारे ! ममेवं निच्चमुवद्दवेंती तुममंतो सत्तण्हं दिवसाणं सन्निवाएण महारोगेणाऽभिभूया मरिऊण रयणप्पभाए नरयपुढवीए लोलुयच्चुए नरए चउरासीवाससहस्साउसो नेरइओ भविस्ससि' । सोउं चेमं रेवई महासयगसावं सहस त्ति विगयमया भयाओ सणियं सणियमोसरंती गया सगिहं । सत्तमंमि य दिणे तहेव मरिऊण समुप्पण्णा लोलुयच्चुए नरए ।
इओ य रायगिहे गुणसिलगुज्जाणे समोसरिओ महावीरो । धम्मकहावसाणे य भगवया भणिओ गोयमो जहा – 'पोसहसालाए गंतुं महासयगमणसणट्ठियमेवं बोहेहि - "न महाणुभाव ! तुह चरमाराहणं पडिवन्नस्साऽणि?वयणेहिं सावो दाउं जुत्तो जहा दिण्णो रेवईए । तो तुमं तमणि?सावमालोइंतो पडिक्कमाहि जेण सुज्झसि" ।' तओ 'तह'त्ति पडिवज्जिऊण तत्थ गओ गोयमो । महावीरवयणेहिं पबोहिओ सयगो। सो वि तं सोउं सम्ममालोएत्ता वीसं वरिसाणि जाव पालियनिक्कलंकसावयधम्मो मासं कयाणसणो मरिऊणुप्पण्णो सोहम्मे अरुणवडेंसए विमाणे चउपलिओवमाऊ देवो । तओ चुओ महाविदेहे सिज्झिस्सिइ त्ति ॥छ।८॥
___ सावत्थीए नयरीए जियसत्तुनिवंमि कोट्टगुज्जाणे आणंदो जह तह नंदिणिपिया वि परमस्सिणी भज्जा ॥९॥छ।
___ सालिहीपिओ त्ति य सरिसोऽणेणेव निरवसेसो वि । नवरं फग्गुणिभज्जा । आणंदाईया दस गय त्ति ॥छ।
साहम्मिओ य आणंदाईणं अम्मडो त्ति अम्मडकहा भण्णइ -
अत्थि कंपिल्लपुरे सयलविज्जाठाणपारगो सत्तसयसीसपरिवारिओ अम्मडो नाम परिव्वायगो । सो य महावीरंतिए संबुद्धो वि गाढमुस्सग्गरुइ(?)त्तणओ सव्वविरइचारित्ताइयारभीरू लोयाववायभीरुत्तणओ य परिव्वायगत्तममुंचमाणो सावओ जाओ । तत्थ वि छठे छटेण कुणंतो निरंतरं तवोकम्मं समुप्पण्णोहिनाणो वेउव्वियाइलद्धिसंपण्णो अम्मडो कयाइ अपावानयरीए समोसरिय[स्स] महावीरस्साऽऽगओ वंदणत्थं । वंदिउं च तं पुणो वच्चंतो भणिओ भगवया – 'भो अम्मड ! रायगिहं गएणं तए कुसलवत्तं पुच्छियव्वा सुलस'त्ति ॥छ।
सुलसाकहा भणियसेसा भण्णइ -
रायगिहे नयरे नागसाहिणी(सारहि)भज्जा सुलसा नाम परमसाविया । तीसे य समाइट्ठो भगवया वत्ताउच्छणमम्मडो पत्तो रायगिहं चिंतइ - 'न सामण्णा सुलसा जीए जिणो सारं सयं करेइ । ता परिक्खामि तं, केरिसी गुणेहिं ?' तओ सपरिवारो पविट्ठो सुलसागेहं वेयपज्जणयं काउं भणइ – 'पसिद्धि सोऊण तुहाऽऽसाए वयमिहाऽऽगया । ता दिज्जउ सयमज्जऽहं भोयणं' । सुलसा भणइ - 'नाऽहमपत्ताणं