Book Title: Kahavali Pratham Paricched Part 02
Author(s): Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad
View full book text ________________
[३०१]
त्ति तव्वयणेणं एईए फिट्टइ सोगविब्भमो, पायच्छित्तं वा जं जोग्गं तं देइ" । तओ ताहे "तत्थ पच्चणीयदेवयाहिंतो गंतुमसमत्थ"त्ति सासणदेवयाभासिए निविग्घगमणाभावओ [संघेण निव्विग्घगमणत्थं काउस्सग्गो कओ । गया देवया जक्खं घेत्तूण महाविदेहे सीमंधरसामिसमीवे । वंदित्ता य पायच्छित्तं पुच्छिओ सामी। सामिणा वि भणियं] - "महाणुभावे ! नेत्थ विसए तुह कोई दोसो । निद्दोसस्स य नत्थि पायच्छित्तं"। तओ भगवंतवयणेणाऽवगओ जक्खज्जाए मोहविब्भमो । समागच्छंतीए सामिणा - "भारहसंघस्सेमं मईयं पढमपाहुडं समप्पियव्वं"त्ति वोत्तुं दिण्णाणि भावणा-विमुत्तिनामगाणि दो अज्झयणाणि । पुणो य "बीयपाहुडमिमं समप्पियव्वं"ति वोत्तुं दिन्नाणि रइवक्क-विवित्तचरियाभिहाणाणि दो अज्झयणाणि । ताणि य एगसत्थत्तणओ जहाभणियाणि चेवाऽवहारित्ता देवयाए सह समागया जक्खा । पारिओ संघेण काउस्सग्गो । साहिऊण य सामिवुत्तंतं समप्पियाणि जक्खाए संघस्स ताणि अज्झयणाणि । संघेण वि भावणा-विमुत्तीओ पढमपाहुडं ति कयाओ तित्थाइसुयस्स आयारंगस्सोवरि चूलाओ । रइवक्क-विवित्तचरियाओ उण बीयपाहुडं ति विहियाओ तित्थंतसुयस्स दसवेयालियस्सुवरि चूलाओ'त्ति । एवं च पज्जुवासित्ता जक्खाइयाओ थूलभदं वंदिऊण गयाओ सट्ठाणं ति ।
तओ बीयदिवसे पुव्वमिव पढणत्थमुवट्ठिओ थूलभद्दो । न य देंति सूरिणो वायणं । तओ नाऊण विउव्वियसीहरूवावराहं पायवडिओ थूलभद्दो भणइ – 'भगवं ! खमह ममेगमवराहं । न पुणो करिस्सामि' । सूरी भणइ - 'जइ ताव तुमं पि पुव्वाणि पढिऊण एरिसो तुच्छसहावो जाओ ता को जाणइ अन्ने किमवि करिस्संति ? तम्हा इमाओ वायणाओ पढियाणि य पुव्वाणि जइ अन्नेसिं न देसि ता पाढयामि'। तओ तहेव पडिवन्ने पढाविओ भद्दबाहूहिं थूलभद्दो जाओ चोद्दसपुव्वी न सेसाणं [देइ] त्ति वोच्छिण्णाणि तप्पभिई उवरिमाणि चत्तारि पुव्वाणि दसमपुव्वस्स य दो वत्थूणि । सामिमुत्तिसमयाओ य तया ससूरं (ससत्तरिं) वाससयं गयं ति । पइट्ठिओ थूलभद्दो सूरी । भद्दबाहुसूरी समाहिणा कालं काऊण देवलोगं गओ त्ति छ। भद्दबाहु त्ति गयं ॥छ।।
थूलभद्दसूरी वि विहरंतो कयाई गओ सावत्थीए । समोसरिओ बाहिरुज्जाणे । समागओ लोगो । कया धम्मदेसणा । तत्थ य भगवओ पिउमित्तो धणदेवो नाम अत्थि । सो य वंदणत्थं नाऽऽगओ त्ति भगवं चेव गओ तस्स घरं । दिट्रो य धणदेवभज्जाए धणेसरीए । उदित्ता य ससंभमं घरममंमि तीए दवावियमासणं । थूलभद्दसामिणा वि तत्थोवविद्वेण पुच्छिया धणदेवकुसलवत्ता । धणसिरीए वि 'बहिट्ठियं दव्वं विलसिऊण पुव्वपुरिसनिक्खियं चाऽलभमाणो धणज्जणत्थं देसावरवणिज्जेणं गओ'त्ति कहिओ धणदेववुत्तंतो। भगवया वि नाऊण सुयबलाओ धम्मदेसणामिसेण निक्खायदव्वजाणावणथमप्पणो पुरओ थंभं हत्थेण दरिसित्ता भणियं - 'धणेसरि ! पेच्छ संसारसरूवं । घरमिममेरिसं धणदेवस्स, तं च तारिसं वाणिज्जं । पेच्छ केरिसं जायं ?' एवमाइ पुणो पुणो देसित्ता गओ भगवं अन्नत्थ विहरिओ त्ति ।
तओ लाभोदयाभावओ अविढत्तदविणो चेवाऽऽगओ धणदेवो । कहिओ य तस्स समयंमि धणेसरीए थूलभद्दागमणवुत्तंतो । तेणा वि सहरिसं – 'किं भणियं भगवय'त्ति पुच्छिया धणेसरी । तीए वि कहियं - 'थंभाभिमुहीकयकराभिमओ भगवओ धम्मदेसणावयणविन्नासो' । तेणाऽवि 'न तेसिं निरभिप्पायं किच्चं'त्ति निस्संसयं भाविऊण खणाविअं थंभतलं । नीसरियं च तत्थ विउलं दव्वजायं । तओ धणकणयसमिद्धो जाओ धणदेवो ।
Loading... Page Navigation 1 ... 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 