Kahavali Pratham Paricched Part 02

Author(s): Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 349

[३३२]
तओ विन्नायनिब्बंधो संघो 'करिस्सामो सव्वगएणं'ति वोत्तूणाऽणुकूलं गओ सट्ठाणट्ठिओ सारपव्वज्जालोए (सारं पज्जालोएइ) जहा - 'किं कायव्वमेवंविहे रायाभिओगे ?' तत्थ य विज्जासिद्धो देविंदो* नाम चेल्लओ । सो भणइ – 'जइ संघाएसो होइ ता अहं करेमि किंचि चोज्जं' । अणुण्णाओ य संघेण सो निग्गहाणुग्गहविज्जाभिमंतियाओ दो कणवीरलयाओ घेत्तुं संघेण समं गओ राउलं । निविट्ठाए य बंभणपंतीए मिलिए य परलोए भणियं नरवइणा - 'कुण वंदणं संघो' । चेल्लएण भणियं - 'महाराय! अच्छउ ताव संघो ममाऽवीमे न सक्का सहिउं वंदणं' । राया भणइ – 'किमिमेहि चट्टत्तरेहिं ? जंगमदेवा बंभणा' । सोउं चेमं चेल्लओ 'जइ एवं ता कुणह कोउगं' - ति वोत्तुं पंतिदाहिणंताओ सच्चवेंतो वामंतं जपंतो य 'किमेए बंभणा वंदिज्जंति' त्ति जेसिं गलग्गेणं भामेइ निग्गहलयं तेसिं छिज्जंति सीसाणि। दटुं चेमं चमक्किओ राया । खलभलिओ मिच्छदिट्ठी लोओ । दीणा सेसबंभणा मिलिउं च लुलिया संघचलणेसुं दीणमुहा भणंति – 'चुक्का अम्हे । ता किवं काऊणिमं खमहाऽवराहं' । तओ संघेणाऽऽइट्ठो चेल्लओ अणुग्गहलयाए पुव्वविवरीयं जा कुणइ तावुप्फिट्टित्ता पुणो लग्गाणि छिण्णसीसाणि । जाया जिणसासणस्सुण्णइ त्ति । तप्पभिई च सो चेल्लओ कणवीरलयाभामगो नाम विक्खाओ विज्जापाहुडकुसल त्ति ॥छ।३
तहा जत्थ पायलेवंजण-गुडियाईहिं सिद्धा सरूविज्जति तं सिद्धपाहुडं । तक्कुसलो य पालित्तयसूरी। अवि य -
जेण दिट्ठो सुओ वा, सोहग्ग-द-----निलओ । पालित्तयसूरी सो, न तं विणा निव्वुई लहइ ॥ रायामच्चाईहिं, सययं सेविज्जमाणचरणस्स । जस्स न लहंति वोत्तुं, कज्जे विचालियं मुणिणो ॥ तो तदणुग्गहहेडं, पालित्ती तेण विरइया भासा ।
गुरुपारंपज्जेणं, विण्णेयत्थाइसासाओ(?) ॥ समिद्धं च तया दक्खिणावहे मण्णखेडउरं । लाडदेसे भरुयच्छं । सोरट्ठदेसे वलहिउरं गिरिनगरं च । सूरसेणदेसे महुराउरं । निवसंति य ग्गासुओ(?) गुणसमिद्धा संघा । परं मण्णखेडे सुदुराराहो राया। सो य सूरिगुणावज्जिओ नाऽवगरेइ किंचि । तेण संघो तस्स नऽन्नत्थ विहरिउं देइ । सोरटे उण धाउव्वायसिद्धो ढंकपव्वओवरि ढंकपुरनिवासी नागज्जुणओ नाम चं(वं)दओ । तेण य चाग-भोगगुणेणाऽऽवज्जिओ सोरट्ठदेसे सव्वो वि रायाइलोओ निप्पभावाणि मण्णेइ सेसदरिसणाणि । भरुयच्छ-महुरासुं पुण पच्चणीयधिज्जाइया विग्घयंति जिणण्हवण-जत्ताइकिच्चं । सरूवावियं चेमं गिम्हे भरुयच्छाइसंघेहिं पालित्तयसूरिस्स । संदिटुं च तेण तेसिं जहा 'पारंभणीया तुब्भेहिं भिरिहिरियादिणे कोमुईमहिमा जेणाऽऽगच्छामो तप्पेच्छया' । बहुमण्णियं च तं तेहिं । पारद्धा कत्तियसुद्धपडिवयाए, सूरोदयसमए जिणजत्ता। पालित्तयसूरी वि मण्णखेडे [संघस्स] निवेइयसरूवो पउण(र)-पउरं जाव कयलोगजत्तो चलिओ भरुयच्छे । काउं च पायलेवं खणेणाऽवयरिओ अस्सावयारचेइयं पविट्ठो । संघेण हरिसविसेसा उल्लसिउं [को]उगेण व निस्संकमप्फालिया पंचमहासद्दा । अवि य -
* महेन्द्रः इति प्रभावकचरिते ॥