Kahavali Pratham Paricched Part 02

Author(s): Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 348

[३३१]
भुक्खा'। तहा वि निब्बंधओ बइसारिओ तेहिं ति विमि-(जिमित्ता?) धोविऊणुट्ठिओ चिंतेइ - 'किमणेणाऽणिद्वेणं भिक्खाभोयणेणं ? तहा करेमि जहा मिट्ठ उप्पज्जेइ' ।
उक्कडं च तया बुद्धदरिसणं । समिद्धा. य बुद्धोवासगा देंति जहाचिंतियाणि भत्तपाणाईणि भिक्खुडाणं ति गओ व्वज्जि(तव्वि)हारे तं पोत्थियं गहाय चेल्लओ । बहुमाण्णिओ भिक्खुडेहिं । जाओ तेसिं खुड्डगो । भणिया य तेणोपासगा जहा – 'सयमेवाऽऽगमिस्संति तुम्हं गिहेसु भिक्खुडयपत्ताणि' । सोउं चेममुवासगेहिं सम्मज्जिओवलित्ते भरावियचतुक्के य सुहे गिहप्पएसे विरइयाणि सव्वपवरासणाणि । विसज्जियाणि य विज्जासामत्थओ चेल्लएण पिहुयाणि भिक्खुकप्पराणि । तओ पुरओ सुक्किल्लवत्थोच्छइयं वच्चइ पहाणकप्परं । चिटुंति य ताणि गयणेणाऽऽगंतूणाऽऽसणेसु तेसु । भरियाणि य जहाजोग्गमुवासगेहि मणुनकूर-दालिय-घयपक्कण्ण-वंजणाईणं पुण्णाणि । [णि]ज्जति चेल्लएणं विहारं । पेच्छंतो य निच्चमुद्धमुहो लोओ तमइसयमावज्जिओ बुद्धदरिसणे। [कुणइ य जइणदरिसणो]हावणं । [ताहे] संघेण जक्खउड्डा(सूरिआण)यणत्थं पेसिओ गुडसत्थपुरे संघाडओ । पत्ते य तंमि 'जामो'त्ति पुच्छिओ सूरिणा संघो भणइ – 'उवसग्गेही पुणो तुम्हं गमणे वड्डुकरओ'। सूरी वि 'मा भाह'त्ति वोत्तुं गओ वड्डकरयदेवहरए । तंमि य चिटुंति वसंते मज्जणयकीलाकरणत्थमेगपाहाणमयाओ महामहंतीओ दो जलदोणीओ । पलोइयं(उ) च ताहिं सह सपरिवारं वडकरयं सूरी – 'भो भो ! गच्छिस्समहं भरुयच्छं'ति जंपतो जाव चलिओ ताव वडकरयस्स अण्णेसि च वंतराणं पडिमाओ ताओ य जलदोणीओ खडहडाहट्टेणुप्फेडंतीओ जंति पिट्ठओ । तम्मोयणत्थं विण्णत्तो लोएण सूरी भणइ - 'गमिस्संति मए समं' । सोउं चेमं खरयरं लग्गे सव्वलोए तस्समक्खं सूरिणा जिणसासणोवद्दवे करावित्ता वायाबंधं वालियाओ वंतरपडिमाओ । जलदोणीओ पुणाऽऽणेउं गुडसत्थपुरस्साऽऽरओ भणियं सूरिणा - 'जो मम सरिसो होही सो नेही एयाओ सट्ठाणे' । चिट्ठति य तहेवऽज्ज वि ताओ ।
सूरी वि पत्तो भरुयच्छे सव्वविण्णायवुत्तंतो विज्जाचक्कवट्टि त्ति निजोजेइ विज्जाहिवइदेवयं । तीए वि सहसा आणेउं समप्पिया सा सूरिस्स पोत्थिया । गगणे गच्छंतभूरिभक्खपत्ताणं च पुरओ सूरिणा विउव्विया महंती सिला । तीए य सममन्भिट्टिउं फुट्टाणि सव्वाणि भिक्खुकप्पराणि । विक्खिरियं भोयणजायं । तं च नाउं भीओ वि संभालेइ पोत्थियं । न य सा दीसइ त्ति नट्ठो चेल्लओ । निग्गओ तंगणियाए सूरी गओ बुद्धविहारगेणं । भणिओ तच्चण्णिएहिं – 'एहि बुद्धस्स पाएसुं पडसु' । सूरीहिं भणियं – 'एहि पुत्ता ! सुद्धोदणसुया ! वंदसु ममं' । तओ निग्गया बुद्धपडिमा । पडिउं पाएसु तावुप्फिडंति गया सूरिपिट्ठओ जाव नगरबाहिं बुद्धंडओ । समाइट्ठो य पडिम व्व सूरिणा । सो वि पडिओ पाएसु । भणिओ 'उद्धेहि'त्ति जाओ जाव अद्धावणओ तावे'वं चेव चिट्ठसु'त्ति निद्दिटो ठिओ तहेव । तप्पभिहं च सो बुद्धंडओ नियंठनामिओ नाम जाओ । विरत्तो य बुद्धदरिसणाओ जणो । जाया जिणसासणस्सुब्भावणा । कयकालो य साउक्खएण अज्जखउडसूरी गओ देवलोयं ति ॥छ। अज्जखउडायरिय त्ति गयं ॥छ।
विज्जाकुसलो य अज्जखउड नाम सूरी व्व कणवीरलयाभामगखुड्डगो । तं जहा - अत्थि पाडलिपुत्ते मिच्छदिट्ठी दाहडो नाम राया । सो य विप्पयारिओ धिज्जाइएहिं संघ भणइ – 'जा तुब्भेहिं कीरइ सगुणवंदणाइपडिवत्ती तं कुणह बंभणाणं' । संघेण भणियं - 'पुच्छियंतु बंभणा जइ समिइ(सइ)[सत्थे]सु भणियमिणं' । राया भणइ – 'किं तुहं वियारेण ? कायव्वमवस्समेवं जइ कुसलमिच्छह' ।