Kahavali Pratham Paricched Part 02

Author(s): Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 297

[ २८०]
परितुट्ठो भृगू । पेसिओ णाए सामिसमीवं । गओ रहवरेण । सुओ सामिसमीवे धम्मो । परिणओ एयस्स तहारिय(ह? )स्स । संवेगाइसएण पत्तो चरणपरिणामं भृगू । पेसिऊण रहवरं वत्तं च सावित्तीए पव्वइओ एसो । साहियं गंतूण रहिगेण । परितुट्ठा सावित्ती । दिण्णो इमस्स पारिओसिगो रहो । भणियाणेण 'अलं मम रहेण । माया तुमं । अओ विण्णविज्जसि । अणुजाणाहि ममाऽवि पव्वज्जं' । - अणुजाणिओ हरिसियाए । जाओ इमीए वि चरणपरिणामो । तओ पव्वइया एसा वि । तेण दुवे दारगा गायत्ती य जायाणि सावगाणि । तओ वंसकमेण तेसि पि अवच्चाणि एवंविहाई ( इं ) जाव गायत्ती अण्ण[जम्म] ए गोवगिरिसन्निवेसे गालवनामगस्स बंभणस्स जाया सरस्सई नाम धीया । गालवो वि कारिसिणीयसो त्ति विसिगोहूमाइबीयविसाहणत्थं गओ कुसग्गपुरं । तत्थ सिरिधम्मो राया । सो य ईसालू न घरे बारे य विसिद्वपुरिसित्थीण जोइयं पि सहइ । तद्दिट्ठीए कहं वि हसमाणं गहियं दंडवासिगेहि सहोदरसंगहणगं निज्जए रायकुले जाव [ताव] मच्छिगहट्टसमीवे कहकहाए हसित्ता एक्कमच्छेहिं (णं) भणियं 'न कोई सदोसे पेक्खइ' । एयं च रायपडिबोहणत्थं देवयापओगेण जायं । निवेइयं रण्णो दंडवासिगेहिं । विम्हिओ राया ।
'किमेयं ?' । तेण भणियं
-
तंमि य पुरे अईव बुद्धिजुत्तो अमरगुरू विप्पो सो पुच्छिओ राइणा 'निरूविय साहिस्सामि मासमेत्तेण उदुत्तिष्णेयमेयं ( ? ) ' । राइणा भणियं 'एवं होउ' । तओ आलोचियमणेण 'न नाओ परमत्थो [ता गामंतरेसु हिंडिय निरूवेमि किंचि' । तओ सो पत्थिओ । गांलवो नियकज्जं साहिऊण ताहे चेव पत्थिओ तेण समं गच्छइ । ताहे अमरगुरू तं दट्ठूण कहेइ - 'भो ! किं तं] अद्धपंथं वाहिस्ससि किं वाऽहं वाहेमि ? तेण चितियं 'असंबद्धगो एसो जो एवं जंपइ, जओऽद्धपंथो वाहिज्जइ' । ठिओ तुहिक्कों । पत्ता नदिं । गालवेण मुक्काओ पणहिगाओ । परिहियाओ अमरगुरुणा । गालवेणाऽवि चितियं 'असंबद्धगो चेव' । गया थेवं भूमिभागं । पत्ता नग्गोहपायवं । तस्स मूलासणे वीसमणनिमित्तं नुवन्नो गालवो । नाऽइदूरे य छत्तगं धारिय उवविट्ठो अमरगुरू । विड त्ति (?) कसाइओ गालवो । थेववेलाए पयट्टो अमरगुरुविमद्देण गालवो । तहा वि सिग्घत्तणओ मिलिओ तस्स । जाव थेवं भूमिभागं गच्छंति ताव दिट्टं पढमघत्ता (?) पइण्णं अच्वंतफलियं मुग्गखेत्तं । गालवेण भणियं 'अहो ! फलियं मुग्गखेत्तं । सव्वसंपया खेत्तसामियस्स । अमरगुरुणा भणियं - 'एवमेयं जइ 'न खर्द्ध' । गालवेण चितियं 'पेच्छतो चेव जइ "न खद्धं" ति भणई' । गया एगं सण्णिवेसं । तत्थ पुण नागाईण महिमा महापमोओ वट्टइ । गालवेण भणियं 'अहो ! एत्थ सन्निवेसे पमोओ' । अमरगुरुणा 'अत्थि जइ एसो न उव्वसो' । गालवेण चितियं - 'अहो एयस्स मुक्खया जं पमोयं उव्वसं ति भणइ । गया थेवं भूमिभागं । दिट्टं तत्थ महंतं देवउलं । गालवेण भणियं 'अहो ! आययणं' । अमरगुरुणा भणियं 'अत्थि जइ अणाययणं न होइ' । गालवेण चिंतियं 'अहो ! से बुद्धी जं अणाययणं ति भणइ' । गया पुणो थेवं भूमिभागं । दिट्ठो आगच्छमाणो परूढाणेगपहारो समं हथियारेण कुलपुत्त । गालवेण भणियं 'अहो ! सूरो एस पुरिसो' । अमरगुरुणा भणियं 'अत्थि जइ सत्थो कुट्टिओ' । गालवेण चितियं 'अहो ! सूरो जो सत्थो कुट्टिज्जइ' । तओ गया थेवंतरं । दिट्ठा भत्तारमणुचरंती महिला । गालवेण भणियं 'अहो पव्वइया !' | अमरगुरुणा भणियं 'जइ अत्थि इंदियाण वसाइ' । गालवेण चितियं 'सोहणा पव्वइया जा इंदियाणं न वसाइ । सव्वहा न सामन्न- पुरिसो एसो । ता किं एयसंतिगाए चिंताए ?' ।
भणियं
-
1
-
-
-
1
-
—
-