________________
આચારોના સૂત્રો તપાસવાથી આ તત્વો સહેલાઈથી મળી આવે તેમ
| તીર્થકરો તરફ કેવળ ગાંડી ઘેલી ભક્તિ નથી હોતી. તે સહેતુક ઉદ્દેશપૂર્વક હોય છે. દરેક દરેક પ્રવૃત્તિ ઉંડામાં ઉંડા આધ્યાત્મિક સિદ્ધાંતો, માનસશાસ્ત્ર તથા નૈતિક તત્ત્વો સાથે સંબંધ ધરાવતી હોય છે. આગમસૂત્રો અને તેની સાથે સંબંધ ધરાવતા જૈન સાહિત્યમાં હેતુપૂર્વક તેના વ્યવસ્થિત વિવેચનો સમજાવેલા હોય છે.
જૈનો કહે છે કે અમારા તીર્થકરોના ત્યાગ, વૈરાગ્ય અને મહાન આધ્યાત્મિક જીવન સાથે તુલના કરી શકાય તેવી કોઈ પણ વ્યક્તિ જગતમાં બતાવો તો અમે તેને જરૂર પૂજ્ય માનવા તૈયાર છીએ. તીર્થકરોના અદૂભુત ધાર્મિક જીવનો આશ્ચર્યમાં ડૂબાડે છે, ભક્તિ ઉત્પન્ન કરે છે. માટે જ અમે તેમને દેવાધિદેવ, વિશ્વાસ્ય, આરાધ્ય, આદર્શ અને માર્ગદર્શકો માનીએ છીએ. તેઓના ઉપદેશ ઉપર વિશ્વાસ રાખીએ છીએ, તેઓએ બતાવેલા ધર્મ માર્ગને વળગી રહીએ છીએ. "
ભગવાન મહાવીર સ્વામીનું જીવન બરાબર વિચારો, મનન કરો, અને તેમાંથી જે જે ઉત્તમ ગ્રાહય અંશો તમને જણાય તેની તારવણી કરો. જગતના થઈ ગયેલા કે હવે પછી થવાના હોય એવા કોઈપણ મહાત્મા પુરૂષ સાથે તેની તુલના કરો. એમ કરતાં જો કોઈ પણ
વ્યક્તિ તેમના કરતાં ચડી જાય કે તેમના જેવી હોય, તો તેના પર વિશ્વાસ મૂકવામાં વાંધો નથી. પરંતુ જ્યાં સુધી એવી વ્યક્તિ જોવામાં ન આવે ત્યાં સુધી ભગવાન મહાવીર સ્વામીને જ વળગી રહીએ તેમાં શું ખોટું છે ?
જૈનધર્મના કોઈ પણ આચાર વિચાર સાથે, તેની કોઈ પણ મહત્ત્વની વ્યક્તિ સાથે કોઈ વ્યક્તિનો મેળ ન બેસતો હોય, તો પણ તે તીર્થકરના
