________________
આ સ્થિતિમાં હે પ્રભુ ! આપના શાસનની જડ મજબુત બનાવવાનું શી રીતે શકય છે ? વિશ્વના હિતની દ્રષ્ટિથી આ સામાન્ય ચિંતાનો વિષય નથી. અને છતાં તેની સક્રિય ચિંતાની ઝાંખી પણ ઘટતી જાય એટલો અસરકારક બહારથી ઘેરો છે. સૌ પોતપોતે ઉપાડેલી પ્રવૃત્તિમાં મશગુલ છે. શાસન કરતાં પોતપોતની પ્રવૃત્તિનું મહત્ત્વ સૌને વધારે સમજાય છે. એ પ્રવૃત્તિઓને આધારે શાસન ટકશે ? કે શાસનને આધારે એ પ્રવૃત્તિઓ ટકશે એનો વિચાર કરવા પણ કોઈ થોભતું નથી.
આપનું શાસન જેટલું પ્રકાશમાન, તેટલું વિશ્વના પ્રાણીઓનું હિત સલામત. આપના શાસનની તેજસ્વિતા સાથે વિશ્વના પ્રાણીઓનું રક્ષણ જોડાયેલું છે, અને છતાં વર્તમાન શ્રમણ ભગવંતો આપના શાસનનું તેજ ઝળહળતું રાખવામાં અસાધારણ ઉપેક્ષા રાખી રહ્યા છે. ભારે દુઃખનો આ વિષય છે.
અફાટ સમુદ્રમાં આપનું શાસન બેટ સમાન છે. તેનું શરણ લઈને કેટલાય પ્રાણીઓ રક્ષણ મેળવી શકતા હોય છે. પણ તે બેટને સલામત રાખવાની જેમને જોખમદારી સોંપાયેલી છે, તેઓ અસાવધ રહે તો ? કેટલા પ્રાણીઓનાં હિત જોખમાય ?
જગતમાં જૈનશાસન અને તેનું સંચાલન કરનાર જોખમદાર જૈનાચાર્યો વિદ્યમાન ન હોય, અને વિશ્વના પ્રાણીઓ નિરાધાર બની જાય એ તો સમજી શકાય તેવી બાબત છે. પણ બનેયની વિદ્યમાનતામાં આ પરિસ્થિતિ ઉત્પન્ન થાય, તો તેને કેટલામું આશ્ચર્ય ગણવું ? ગીતાર્થ અને સંવિજ્ઞ મહાપુરૂષોનું પણ જીવંત લક્ષ આ બાબત તરફ શી રીતે દોરવું ?
કેટલાક ઉપાય પૂછે છે, પણ ઉપાય કોને બતાવાય ? જિજ્ઞાસુને કે બીજાને ? કેટલીકવાર ઉપાય પુછવાની પાછળ કાંઈ પણ ન કરવાની
| ૭પી
|
