________________
૯. પ્રભો ! વિશ્વકલ્યાણની મહાવિમાપોલિસી જેવા આપના લોકોત્તર શાસનનું શું ?
વર્તમાન શ્રમણ ભગવંતોના દિલમાં આપના શાસન પ્રત્યે સારામાં સારો પ્રેમ હોવામાં તો શંકા નથી. કેમકે તેની પાછળ તેઓ પોતાના જીવનનું સર્વસ્વ સમર્પી ચુકયા છે.
પરંતુ આપના શાસન પ્રત્યેની લગનનું ઝરણું તેમના દિલમાં સુકાતું જતું હોય એમ જણાય છે. નહીંતર જગતમાંથી જૈનશાસનને લુપ્ત કરવાના ભગીરથ પ્રયાસો ચાલી રહ્યા હોય, ત્યારે તેમનું રૂંવાડું ય ન ફરકે ?
ધર્માચરણ વધતું જતું જોઈ શકાય છે, પરંતુ શાસન, સંધ, શાસ્ત્રાજ્ઞા સાપેક્ષતા અને દ્રવ્ય ભાવ રૂપ શાસનની સંપત્તિઓના રક્ષણ પ્રત્યેનો ઉપેક્ષા ભાવ વધતો જાય છે.
અરે ! કેટલાક શ્રમણ ભગવંતો તરફથી તો જૈનશાસનના પાયા ઉખેડનારી બહારથી ચાલતી ગૂઢ પ્રવૃત્તિઓમાં એક યા બીજી રીતે સીધો કે આડકતરો સહકાર અપાય છે.
વળી, પાયા ઉખેડનારી પ્રવૃત્તિઓ તરફ લક્ષ ન જવા દેવા માટે બાહ્ય બળો ધર્મની *ઉન્નતિને વેગ આપવાની સગવડો પૂરી પાડી રહ્યા છે. તેનાથી પ્રભાવિત તથા રાજી થઇ શાસનનો અભ્યુદય માનવામાં આવે છે.
૭૪
