________________
નિખાલસપણે પોતાના પુરુષાર્થો જોડે તો ઘણું સારું કાર્ય થઈ શકે તેમ છે.
વયોવૃધ્ધ મહાપુરૂષોની શક્તિ એક છે, તેમની પછીની કક્ષાના પૂજ્ય પુરૂષોની શક્તિ બીજી છે. બનેયનાં મેળ વિના બેમાંથી એકે ય શક્તિ યથાર્થ રૂપમાં કાર્ય સાધક બની શકે નહીં, કેમકે આજની પરિસ્થિતિ તેવી છે.
ઉચ્ચ કક્ષાના વડિલો માને કે, અમે શાસનને સુસ્થિત કરી દઈશું, તો તે એક ભાગ છે, પછીની કક્ષાના મહાત્માઓ એમ માને કે, અમે કરીશું, તે તે પણ એક ભાગ જ છે. બે હાથ વિના તાળી પડે તેમ નથી.
ઉપરાંત વચલા વખતમાં ઉપસ્થિત થયેલી ઘણી બાબતોનું એક બાચકું બાંધીને થોડીવાર બાજુએ મૂકી રાખી કેન્દ્રસ્થ થવાની અનિવાર્ય આવશ્યકતા જણાય છે. પછી બાચકાને હાથમાં લઈ ઘટતી રીતે એક એકનો નિકાલ કરવાથી કાંઈક છેડો આવશે, નહીંતર ગુંચવાડાના કુંડાળા ઉપર કુંડાળા વધતા જ જશે.
ઘણા કડવા ઘૂંટડા ગળીને પણ યોગ્ય કેન્દ્રમાં અવાશે તો જ શાસનના સુતત્ત્વો ટકાવી રાખવાના ઉપાયો સૂઝશે અને તે કારગત નીવડશે, અને તો જ શ્રી યુગપ્રધાન પુરુષો માટેની ભૂમિકા ટકાવી શકાશે.
સાચા વિશ્વકલ્યાણ કામીઓએ આજુબાજુ આમતેમ દૂર દૂર ફાંફા મારવા કરતાં મૂળ દોર પકડી રસ્તે રસ્તે કેન્દ્રમાં આવવું હિતાવહ છે.
માંચેસ્ટર ગાર્ડિયનના લેખકે જણાવ્યું છે, રૂઢિચુસ્તો હવે પોતાને મૂળ માર્ગે પાછા ફરી શકશે નહીં.
Cl૭૨
