________________
૭. ઘર્મ કરતાં શાસન મહાન છે
શિથિલાચાર આગળ કરીને જ્યારથી પ્રભુની પાટ પરંપરાની આચાર્ય સંસ્થા અને તેની આચાર્ય પરંપરાને બાજુએ રાખીને શાસનના તંત્ર નિરપેક્ષ જૈનધર્મની આરાધનાને ટેકો આપવાની શરૂઆત થઈ છે, ત્યારથી અલબત્ત જૈનધર્મની આરાધનામાં ખુબ ઉંચા પ્રકારનો વેગ આવ્યો છે, પરંતુ સાથે જ શ્રી શાસન સાપેક્ષતા અને ચતુર્વિધ શ્રમણ સંઘની મર્યાદાઓ લુપ્ત થતાં ચાલ્યાં છે. વધતી જતી ધર્મની આધુનિક રીતની આરાધના પ્રભુના શાસનને વધુ ને વધુ જોખમમાં મૂકવાનું શસ્ત્ર બની રહેલ છે. સૂક્ષ્મ નિરીક્ષણ કર્યા વિના ગૂઢ રીતે ચાલતી આ પ્રક્રિયાનો ખ્યાલ આવે તેમ નથી.
આ વાત શ્રી સિધ્ધસેન દિવાકરજી મહારાજશ્રીએ શબ્દાંતરથી જણાવી છે.
તેનો ભાવાર્થ એ છે કે બહુશ્રત હોય, ઘણા શિષ્યોથી પરિવરિત હોય, છતાં જો શાસન સાપેક્ષપણે ન વર્તે, તો જૈનશાસનને હાનિ પહોંચાડી શકે.
તીર્થકરના માર્ગમાં ધર્મ માટે શાસન છે. પરંતુ ધર્મ કરતાં શાસનની મહત્તા વધારે છે.
છેલ્લા સો દોઢસો વર્ષથી શાસનની ઉપેક્ષા કરીને પણ ધર્માચરણની પ્રવૃત્તિઓ વધારવામાં આવી છે. પરંતુ શાસન નિરપેક્ષ ધર્મપ્રવૃત્તિ અનુબંધે અધમને ટેકો આપ્યા વિના ન રહે. થોડી પણ શાસન સાપેક્ષ પ્રવૃત્તિ અનુબંધે ધમનિ ટકાવે છે, શોભાવે છે, વિશ્વનું કલ્યાણ કરે છે.
