________________
ઝાંખો ઝાંખો એક ઉપાય ધ્યાનમાં આવે છે
એક બાજુથી માત્ર બહુનાજ કલ્યાણનું કારણ નહીં, પણ સર્વના કલ્યાણનું કારણ એવા જૈનશાસનને જગતમાંથી લુપ્ત કરવાના વ્યવસ્થિત વેગબંધ પ્રયાસો આંતરરાષ્ટ્રીય ક્ષેત્રે ચાલી રહ્યા છે, તેનો પ્રમાણપૂર્વકનો ઇતિહાસ આપી શકાય તેમ છે, ત્યારે બીજી બાજુથી જૈનશાસન હજી સાડા અઢાર હજાર વર્ષ સુધી ટકશે એવી સર્વજ્ઞ વીતરાગ શ્રી મહાવીર વર્ધમાન સ્વામી તીર્થંકર પ્રભુ ભાષિત વાણી શ્રી ભગવતીજી સૂત્ર તથા શ્રી મહા નિશિથ સૂત્ર વિગેરે દ્વારા આપણે સાંભળીએ છીએ.
જૈનશાસનને ડુબાડવાના પ્રયાસો કરનારા છમાસ્થો છે, અને તીવ્ર કષાય વિગેરથી ઘેરાયેલા છે. તથા તેઓને તેમના પ્રયાસો છુપા રાખવા પડે છે, તેની સફળતા માટે અનેક પ્રપંચો ખેલવા પડે છે, અનેક જુઠાણાં કરવા અને ફેલાવવાં પડે છે, મહા હિંસા અને મોટી લુંટ કરવી પડે છે તથા ઘણી માનવજાતને અજ્ઞાન, અશાંતિ, અન્યાય, અનીતિ વિગેરેમાં ધકેલવી પડે છે. એટલે તેવાઓના પ્રયાસો નિષ્ફળ નિવડ્યા વિના રહે જ નહીં.
પ્રભુએ પાંચમા આરામાં જૈનધર્મની દશા વર્ણવી છે. સાથે જ યુગપ્રધાનનું આશ્વાસન પણ જેવું તેવું બળપ્રદ નથી. એટલે નિર્ભેળ વિશ્વ હિતચિંતક યુગપ્રધાનો પાકતા રહેવાની લેશમાત્ર શંકા નથી, શંકા રાખવા કારણ નથી.
પરંતુ તેનો એવો અર્થ ન જ ઘટાવી શકાય કે યુગપ્રધાન આવે ત્યાં સુધી લાંબી સોડ તાણી નિરાંતે આપણે સૂતા રહેવું, પૂર્વાચાર્યોના પુરૂષાર્થને ભૂલી જવા, તેમની પરંપરાને ભૂલી જવી. અને ગીતાર્થોની મોટી સંખ્યાનો આજે પણ વધારો માની લેવો.
૧૯
