________________
જે પાપને, ઉન્માર્ગને, અકલ્યાણને ટાળનાર છે, દૂર ધકેલનાર છે. અજાણતાં પણ જેના અંશનોય આશ્રય પાપોથી અને આયોથી જીવોને દૂર રાખનાર છે.
જે મહારક્ષક, મહા ચોકિયાત, મહાપાલક, મહા વિશ્વવત્સલ છે. જીવમાત્રને આવા મહાશાસનના રસિયા બનાવવાની મહાભાવના શ્રી તીર્થંકરોના વિશુદ્ધ આત્માઓમાં જ જાગતી આવતી હોય છે.
અપેક્ષાએ અનાદિકાળની તથાભવ્યતા રૂપ એ ભાવનાના બળે જ, તથા પ્રકારના અધ્યવસાય સ્થાનક વિશેષના બળથી જ, અમુક વિશિષ્ટ આત્માઓ જ તીર્થંકર નામકર્મ બાંધી શકે છે, તેનો વિપાક ભોગવી શકે છે.
કેવળજ્ઞાનીઓ કરતાં પણ વિશિષ્ટ પરમ પુરૂષાર્થી જીવન પસાર કરી, કલ્પવૃક્ષ કરતાંય-ચિંતામણી રત્ન કરતાંય-કામકુંભ અને કામધેનૂ કરતાંય-મહામૂલ્યવંત, મહારત્ને પ્રકાશરૂપ, મોક્ષમાર્ગમાં દીવાદાંડીરૂપ, મહા પ્રવહણ રૂપ, જગતની અનન્ય વિભૂતિરૂપ, સત્ પરમ બ્રહ્મના વિશિષ્ટ બુદ્બુરૂપ મહાશાસન સ્થાપી તીર્થંકર દેવો તેને અહીં મૂકતા જાય છે.
તીર્થંકર દેવોનો આ અનન્ય મહા પરોપકાર હોય છે. આનાં કરતાં ઉંચો પરોપકાર બીજો કોઈ સંભવિત નથી. આ પરોપકાર બહુ લોકો અને બહુ જીવોના ભલા માટે જ નથી. પરંતુ સર્વ લોકો અને સર્વ જીવોના ભલા માટેનો છે.
આવા પ્રબળ સાધન વિના કામ-ક્રોધ-લોભહિંસા-સ્વાર્થ-મહા અજ્ઞાન વિગેરેથી ઘેરાયેલા વિશ્વમાં ચાર પુરુષાર્થની સંસ્કૃતિનો સ્થિર, વ્યવસ્થિત, સાંગોપાંગ, વિજ્ઞાન અને તત્વજ્ઞાન સિધ્ધ પાયો પડેજ શી રીતે ? સર્વશ વીતરાગ મહા પ્રબળ પુરુષાર્થી વિના આવું અસાધારણ કામ કોણ કરી
૧૩
