Book Title: Bandhashataka Prakaranam
Author(s): Vairagyarativijay, Prashamrativijay
Publisher: Pravachan Prakashan Puna
View full book text
________________
गा.-९२
बन्धशतकप्रकरणम्
बंधंतस्स उ साई तहोवसंताउ परिवडतस्स । तत्थेवोकिट्ठजोगओ य अणुकिट्ठजोगम्मि ॥७९०॥ गच्छंतस्स उकिट्ठो न होइ तो तत्थ अधुवओ बंधो । होइ जहन्नओ पुण छण्हं कम्माण एएसि ॥७९१॥ होई पएसबंधो सुहुमनिगोयस्स अप्पजत्तस्स । सव्वअइमंदवीरियलद्धीजुत्तस्स सत्तस्स ॥७९२॥ सत्तविहं बंधगस्स उ अजहन्नजोगित्तणे पढमगम्मि । भवसमयम्मि जहन्नो पएसबंधो फुडं होई ॥७९३॥ तस्सेव निगोयस्स उ भवदुतितुरियाइएसु समएसु । अजहन्नो सो होई असंखगुणविरियजुत्तस्स ॥७९४॥ तो पुण संखेज्जेणं असंखकालेण वा वि पुव्वुत्तं । पाविज्ज जहन्नजोगं स एव बंधं जहन्नं तु ॥७९५॥ पकरइ पएसबंधं पुण अजहन्नं इमाए रीईए । संसारम्मि अणंते परिब्भमंताण जीवाणं ॥७९६॥ अजहन्नजहन्ने पएसबंधे य दोवि किर हुंति । साईय अधुवबंधो अह पभणइ मोहआऊणं ॥७९७॥ तत्थ य किर मोहआउयसव्वहिं चेव इय पयस्सत्थो । सव्वत्थ य उक्किट्ठे अणुकिट्ठजहन्नअजहन्ने ॥७९८॥ सेसतिगे च इहं पि य दुविगप्पो साइअधुवओ होइ । तहि मिच्छो इयरो वा अनियट्टी बायरो जाव ॥७९९॥ सत्तविहबंधकाले उक्कोसजोगम्मि वट्टमाणो उ । मोहणियस्सुक्कोसं पएसबंधं किर विहेइ ॥८००॥ पुणरवि अणुकिट्ठ पि य जोगं पावित्तु कुणइ अणुकिटुं । बंधं पुण उक्किट्ठ अणुकिट्ठ पुण वि बंधेड़ ॥८०१॥
AAAAAAAAAAAAAAAAAAAAAAAAA
२८०
Page Navigation
1 ... 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376