Bandhashataka Prakaranam

Author(s): Vairagyarativijay, Prashamrativijay
Publisher: Pravachan Prakashan Puna

Page 346

बन्धशतक
प्रकरणम्
जेण अइजहन्नो वि हु ठिईविसेसो असंखलोयाण । आगासपएसाण समेहिज्झवसाणठाणेहि ॥ १०७० ॥ निप्फाइज्जइ तस्सुत्तरुत्तरा तेहि चेव ठाणेहिं । कमसो विसेसवुड्डेहि ठिइविसेसा जणिज्जंति ॥१०७१॥ तो तेहिं तो ताणि य अस्संखगुणाणि हुंति सिद्धाणि । तेसि असंखाणुभागबंधज्झवसायठाणाओ ॥ १०७२॥ अणु पच्छा बंधोत्तरकालं भज्जंति अणुभविज्जंति । जेणं ते अणुभागा रस त्ति जो तेसि किर बंधो ॥१०७३॥ सो किर अणुभागबंधो तस्सज्झवसायठाणया ते उ । अणुभागबंधज्झवसायठाणया कारणभूयाणि ॥१०७४॥ कज्जरूवस्स अणुभागबंधनामस्स हुंतसंखगुणा । ठिइबंधज्झवसाणं जेणं एगेगमवि भणियं ॥ १०७५ ।। अंतमुहुत्तपमाणं बंधज्झवसायठाणयं तु पुणा । अणुभागाणेक्वेक्कं जहन्नयं होइ सामइयं ॥१०७६ ॥ उक्किट्ठओ उ अट्ठसमयमाणं जेण ठिइबंधस्स । अज्झवसायट्ठाणे एगम्मि वि नगरसरिसम्मि ॥१०७७॥ तम्मज्झगया अणुभागबंधज्झवसायठाणया हुंति । नगरंतोगयबहुउच्चनीय आवाससरिसाणि ॥ १०७८ ॥ नाणाजीवे आसज्जकामभेएण एगजीवं वा । आसज्जासंखेज्जगलोगागासप्पएसाणं ॥ १०७९॥ परिमाणाणि अणुभागबंधज्झवसायाणि य हुंति । तेसिं ठवणसरूवं बुहेहि चुन्नीउ विन्नेयं ॥१०८०॥ तह ठिइबंधज्झवसायठाणमज्झे जहन्नगठिईए । जणगाण वि जं पढमं सव्वेसिं लहुयरं ठाणं ॥१०८१ ॥
A A A A
गा.-१०३१०४
३३०