Book Title: Bandhashataka Prakaranam
Author(s): Vairagyarativijay, Prashamrativijay
Publisher: Pravachan Prakashan Puna
View full book text
________________
बन्धशतक प्रकरणम्
कुव्वंति अणुक्कोसं पएसबंधं तया उ सो साई । तं तं ठाणं अप्पत्तपुव्वगाणं पुण अणाई ||८४२ ॥ ध्रुवअधुवा पुव्वं पिव एवं तीसाइ एत्थ पयडीणं । सायाइचउविगप्पो भणिओ बंधो अणुक्कोसो ||८४३॥ सेसतिगे दुविगप्पो इय वयणे सेसओ त्ति उक्कोसो । जहन्नो अजहन्नो विय पएसबंधो तिहा एत्थ ॥८४४॥ पत्तेयं दुविगप्पो तत्थ अणुक्कोसभणणपक्कमओ । उक्कोसो वि हु भणिओ पयडीणं एत्थ तीसाए ॥८४५ ॥ सुहुमगुणठाणगाइसु ठाणेसुं तेसु तेसु सो भणिओ । सो पुण तप्पढमतया वि बज्झमाणो हवइ साई ॥८४६ ॥ अणुकिट्टबंधभावे बंधाभावेव सव्वहा अधुवो । जहन्नपएसबंधो ऽजहन्नबंधो य एयासिं ॥८४७॥ तीसाए पयडीणं सुहुमनिगोएसु संसरंताणं । जह जंतूणं नाणावरणाई मूलपयडीणं ॥८४८॥ पत्तेयं दुविगप्पो साईअधुवप्पभेयओ भणिओ । तह भणियव्वो एत्थंपि सोवओगेहि निस्सेसो ॥८४९ ॥ सेसासु चउविगप्पो इयवयणा सेसियाउ तीसाए । अन्ना जा पयडीओ तासुं हवइ चउविगप्पो ॥८५०॥ ताओ पुण पयडीओ थीणद्धितिगं तहेव मिच्छत्तं । अणंताणुबंधिचउगं वन्नाइचक्कयं च तहा ॥८५१ ॥ तेयकम्मागुरुलहुउवघायनिम्माण इई सत्तरसा । धुवबंधिणी उ एया अद्भुवबंधी उपुण एया ॥८५२ ॥ उरलविउव्वाहारगदुगाणि गइजाइखगइ अणुपुवी । संघयणागीतसवीसु सासतित्थायवज्जोयं ॥८५३॥
गा.-९३
२८८
Page Navigation
1 ... 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376