________________
बन्धशतक प्रकरणम्
कुव्वंति अणुक्कोसं पएसबंधं तया उ सो साई । तं तं ठाणं अप्पत्तपुव्वगाणं पुण अणाई ||८४२ ॥ ध्रुवअधुवा पुव्वं पिव एवं तीसाइ एत्थ पयडीणं । सायाइचउविगप्पो भणिओ बंधो अणुक्कोसो ||८४३॥ सेसतिगे दुविगप्पो इय वयणे सेसओ त्ति उक्कोसो । जहन्नो अजहन्नो विय पएसबंधो तिहा एत्थ ॥८४४॥ पत्तेयं दुविगप्पो तत्थ अणुक्कोसभणणपक्कमओ । उक्कोसो वि हु भणिओ पयडीणं एत्थ तीसाए ॥८४५ ॥ सुहुमगुणठाणगाइसु ठाणेसुं तेसु तेसु सो भणिओ । सो पुण तप्पढमतया वि बज्झमाणो हवइ साई ॥८४६ ॥ अणुकिट्टबंधभावे बंधाभावेव सव्वहा अधुवो । जहन्नपएसबंधो ऽजहन्नबंधो य एयासिं ॥८४७॥ तीसाए पयडीणं सुहुमनिगोएसु संसरंताणं । जह जंतूणं नाणावरणाई मूलपयडीणं ॥८४८॥ पत्तेयं दुविगप्पो साईअधुवप्पभेयओ भणिओ । तह भणियव्वो एत्थंपि सोवओगेहि निस्सेसो ॥८४९ ॥ सेसासु चउविगप्पो इयवयणा सेसियाउ तीसाए । अन्ना जा पयडीओ तासुं हवइ चउविगप्पो ॥८५०॥ ताओ पुण पयडीओ थीणद्धितिगं तहेव मिच्छत्तं । अणंताणुबंधिचउगं वन्नाइचक्कयं च तहा ॥८५१ ॥ तेयकम्मागुरुलहुउवघायनिम्माण इई सत्तरसा । धुवबंधिणी उ एया अद्भुवबंधी उपुण एया ॥८५२ ॥ उरलविउव्वाहारगदुगाणि गइजाइखगइ अणुपुवी । संघयणागीतसवीसु सासतित्थायवज्जोयं ॥८५३॥
गा.-९३
२८८
