Agam Sudha Sindhu Part 04

Author(s): Jinendravijay Gani
Publisher: Harshpushpamrut Jain Granthmala

Page 387

374 ] अणंतकाए, फासिंदियभावसंपउत्ता दुक्खसमुदयं इमं अणिटुं पावंति पुणो पुणो तहि तहिं चेव परभव-तरुगणगहणे 23 / कोदाल-कुलिय-दालणसलिल-मलण-खुभण-रुभण-अणलाणिल-विविहसत्थघट्टण-परोप्पराभिहणणमारण-विराहणाणि य अकामकाइ परप्पयोगोदीरणाहि य कजपयोयणेहि य पेस्सपसुनिमित्त-श्रोसहाहारमाइएहिं उक्खणण-उक्कत्थण-पयण-कोट्टण-पीसणपिट्टण-भजण-गालण-ग्रामोडण सडण-फुडण-भंजण-छेयण-तच्छण-विलुचणपत्तज्झोडण-अग्गिदहणाइ याति, 24 / एवं ते भवपरंपरा-दुक्ख-समणुद्धा अडंति संसारबीहणकरे जीवा पाणाइबायनिरया अणंतकालं जे विय इह माणुसत्तणं यागया कहिं वि नरगा उव्वट्टिया अपना तेवि य दीसंति पायसो विकयविगलरूवा खुजा वडभा य वामणा य बहिरा काणा कुंटा पंगुला विगला य मूका य मंमणा य अंधिल्लगा एगचक्खू विणिहयसचिल्ल्या(सपिसल्लया) वाहिरोगपीलिय-अप्पाउय-सत्थवज्झबाला कुलक्खणुकिन्नदेहा दुब्बल-कुसंघयणकुप्पमाण-कुसंठिया कुरुवा किविणा य हीणा हीणसत्ता निच्चंसोक्खपरिवजिया असुहदुक्खभागी गरगायो इहं सावसेसकम्मा उवट्टा समाणा 25 / एवं णरगं तिरिक्खजोणिं कुमाणुसत्तं च हिंडमाणा पावंति अणंताई दुक्खाई पावकारी एसो सो पाणवहस्स फलविवागो इहलोइयो पारलोइयो अप्पसुहो बहुदुक्खो महन्भयो बहुरयप्पगाढो दारुणो ककसो असायो वाससहस्सेहि मुचती, न य अवेदयित्ता अस्थि हु मोक्खोत्ति 26 / एवमाहंसु, नायकुलनंदणो महप्पा जिणो उ वीरवरनामधेजो कहइ पाणवहणस्स फलविवागं, एसो सो पाणवहो चंडो रहो खुद्दो प्रणारियो निग्घिणो निसंसो महन्भयो बीहणयो तासश्रो श्रणजो उव्वेयणो यणिखयक्खो निद्धम्मो निप्पिवासो निकलुणो निरयवास-गमणनिधणो मोहमहब्भय-पवडयो मरणवेमणसो, परमं ग्रहम्मदारं समत्तं ति बेमि 27 // 1 // सू० 4 // // इति प्रथममध्ययनम् // 1 //