Agam Sudha Sindhu Part 04

Author(s): Jinendravijay Gani
Publisher: Harshpushpamrut Jain Granthmala

Page 488

श्रीमद्-विपाकसूत्रम् : श्रु० 1 अध्ययनं 8 ] [ 475 (धम्मपकाणि य) मारुयपक्काणि य कालाणि यं हेरंगाणि य महिट्टाणि य श्रामलरसयाणि य मुद्दियारसयाणि य कविट्ठरसयाणि दालिमरसयाणि य मच्छरसियाणि य तलियाणि य भजियाणि य सोल्लियाणि य उवक्खडावेति अन्ने य बहवे मच्छरसए य एणेजरसए य तित्तिररसए य जाव मयूररसए य अन्नं विउलं हरियसागं उवक्खडावेति 2 त्ता मित्तस्स रन्नो भोयणमंडवंसि भोयणवेलाए उवणेति अप्पणावि य णं से सिरिए महाणसिते तेसिं च बहूहिं जाव जलयर-थलयर-खहयर-मंसेहिं रसतेहि य हरियसागेहि य सोल्लेहि य तलेहि य भज्जेहि य सुरं च 6 आसाएमाणे 4 विहरति 6 / तते णं से सिरिए महाणसिते एयकम्मे एयप्पहाणे एयविज्जे एयसमुदायारे सुबहुं पावकम्मं समजिणित्ता तेत्तीसं वाससयाई परमाउयं पालइत्ता कालमासे कालं किच्चा छट्ठीए पुढवीए उववन्ने 7 / तते णं सा समुद्ददत्ता भारिया निंदूया यावि होत्था जाया 2 दारगा विणिहायमावज्जति जहा गंगदत्ताए चिंता श्रापुच्छणा उघातियं दोहलो जाव दारगं पयाता, जाव जम्हा णं अम्हं इमे दारए सोरियस्स जक्खस्स उवाइयलद्धे तम्हा णं होउ अम्हं दारए सोरियदत्ते नामेणं, तए णं से सोरियदत्ते दारए पंचधाइ जाव उम्मुक्कबालभावे विराणयपरिणयमित्ते जोव्वणगमणुपत्ते होत्था = | तते णं से समुददत्ते अन्नया कयाई कालधम्मुणा संजुत्ते, तते णं से सोरियदत्ते दारये बहूहिं मित्तणाइ जाव रोयमाणे समुद्ददत्तस्स णीहरणं करेति लोइयमयाई किच्चाई करेति, अन्नया कयाइं सयमेव मच्छंधमहत्तरगत्तं उवसंपजित्ताणं विहरति 1 / तए णं से सोरियए दारए मच्छंधे जाते अहम्मिए जाव दुप्पडियाणंदे, तते णं तस्स सोरियमच्छंधस्स बहवे पुरिसा दिनभति-भत्तवेयारणा कल्लाकल्लिं एगट्ठियाहिं जउणामहानदी योगाहिति 2 बहुहिं दहगलणेहि य दहमलणेहि य दहमदणेहि य दहमहणेहिं दहवहणेहि दहपवहणेहि य अयंपुलेहि य पयंपुलेहि य मच्छंधलेहि य मच्छपुच्छेहि य जंभाहि य तिसिराहि य भिसिराहि य