Agam Sudha Sindhu Part 04

Author(s): Jinendravijay Gani
Publisher: Harshpushpamrut Jain Granthmala

Page 503

160 ] [ श्रीमदागमसुधासिन्धुः :: चतुर्थों विभागः उत्तरासंगं करेति 2 सुदत्तं अणगारं सत्तट्ट-पयाई अणुगच्छति 2 ता तिक्खुत्तो पायाहिणपयाहिगां करेइ 2 त्ता वंदति णमंसति 2 जेणेव भत्तघरे तेणेव उवागच्छति 2 ता सयहत्थेगां विउलेणं असणपाणेणं 4 पडिलाभेस्सामीति तुढे 11 / तते णं तस्स सुमुहस्स (सुहम्मस्स) गाहावइस्स तेणं दव्वसुद्धेणं गाहगसुद्धेणं दायगसुद्धेणं (पडिगाहगसुद्धेणं) तिविहेणं तिकरणसुद्धेणं सुदत्ते अणगारे पडिलाभिए समाणे संसारे परित्तीकते मणुस्साउते निबद्धे गेहंसि य से इमाइं पंच दिव्वाइं पाउब्भूयाई, तंजहा-वसुहारा वुट्टा दसद्धवन्ने कुसुमे निवातिते चेलुक्खेवे कए ग्राहयात्रो देवदुदुहीयो अंतरावि य णं आकासे हो दानमहो दानं पुढे य 12 / हथिणाउरे सिंघाडग जाव पहेसु बहुजणो अन्नमन्नस्स एवं बाइक्खति ४-धराणे णं देवाणुप्पिए ! सुमुहे गाहावई 5 [ सुकयपुन्ने कयलक्खयो सुलद्धे णं मणुस्सजम्मे सुकयत्थे ] जाव तं धन्ने णं देवाणुप्पिया ! सुमुहे गाहावई एवं जाव कयत्थे णं देवाणुप्पिया सुमुहे गाहावई 13 / तते णं से सुमुहे गाहावई बहूई वाससताई पाउयं पालइत्ता कालमासे कालं किचा इहेव हत्थिसीसे णगरे श्रदीणसत्तुस्स रन्नो धारणीए देवीए कुच्छिसि पुत्तत्ताए उववन्ने, तते णं सा धारणी देवी सयणिज्जसि सुत्तजा. गरा 2 श्रोहीरमाणी 2 तहेव सीहं पासति सेसं तं चेव जाव उर्षि पासाए विहरति, तं एवं खलु गोयमा ! सुबाहुणा इमा एयाख्वा माणुस्सरिद्धी लद्धा पत्ता अभिसमन्नागया, पभू णं भंते ! सुबाहुकुमारे देवाणुप्पियागां अंतिए मुंडे भवित्ता अगारायो अणगारियं पव्वइत्तए ?, हंता पभू, तते णं से भगवं गोयमे समां भगवं महावीरं वंदति नमंसति 2 संजमेगां तवसा अप्पाणां भावमाणे विहरति 14 / तते णं से समणे भगवं महावीरे अन्नया कयाइ हत्थिसीसायो णगरायो पुप्फगउजाणायो कयवणमालजक्खाययणायो पडिणिक्खमति 2 ता बहिया जणवयविहारं विहरति,