Yogshastra Part 06

Author(s): Hemchandracharya, Vijaydharmsuri
Publisher: Asiatic Society of Bengal

Page 13

चतुर्थः प्रकाशः। ८.१ अशक्यो विषयोऽस्पष्टुंमिन्द्रियैः स्वसमीपगः । .... रागहेषौ पुनस्तत्र मतिमान् परिवर्जयेत् ॥ ३ ॥ हताहतानीन्द्रियाणि सदा संयमयोगिनाम् ।। अहतानि हितार्थेषु हतान्यहितवस्तुषु ॥ ४ ॥ जितान्यक्षाणि मोक्षाय संसारायाऽजितानि तु। .. तदेतदन्तरं ज्ञात्वा यद् युक्त तत् समाचर ॥ ५ ॥ स्पर्शे मृदी च तूल्यादेरुपलादेश्च कर्कशे। भव रत्यरती हित्वा जेता स्पर्शनमिन्द्रियम् ॥ ६ ॥ रसे स्वादौ च भक्ष्यादेरितरस्मिवथापि वा। प्रोत्यप्रीती विमुच्योच्चैजिह्वेन्द्रियजयी भव ॥ ७॥ .. घ्राणदेशमनुप्राप्त शुभे गन्धेऽपरत्र वा। ज्ञात्वा वस्तुपरीणामं घ्राणेन्द्रियजयं कुरु ॥ ८॥ मनोत्रं रूपमालोक्य यदिवा तहि लक्षणम् । त्य जन् हर्ष जुगुप्सां च जय त्वं चक्षुरिन्द्रियम् ॥ ८ ॥ स्वरे श्रव्ये च वीणादेः खरोष्ट्रादेच दुःश्रवे । रतिं जुगुप्सां च जयन् थोत्रेन्द्रियजयो भव ॥ १० ॥ कोऽपि नास्तौह विषयो मनोज इतरोऽपि वा। य इन्द्रियैः नोपभुक्तस्तत्स्वास्थ्यं किं न सेव्यते ॥ ११ ॥ शुभा अप्यशुभायन्ते शुभायन्तेऽशुभा अपि। विषयास्तत् क्व रज्येत विरज्येत क्व चेन्द्रियैः ॥ १२ ॥ स एव रुच्यो दृष्यो वा विषयो यदि हेतुतः । शुभाशुभत्वं भावानां तत्र तत्त्वेन जातचित् ॥ १३ ॥
१०१.