________________
અનોખી કાવ્યપ્રતિભા
- નલિની દેસાઈ
ગુજરાતી ભાષામાં એક સુંદર શબ્દ છે અને તે છે અખિલાઈ. અખિલાઈથી જોવું એટલે સમગ્ર દર્શન કરવું. સામાન્ય રીતે વ્યક્તિ જગતના કોઈ એક વિષયને જોતી હોય છે ત્યારે સમગ્ર આકાશને જોનારી વ્યક્તિ વિરલ હોય છે. યોગનિષ્ઠ આચાર્યશ્રી બુદ્ધિસાગરસૂરીશ્વરજી આવી વિરલ વિભૂતિ હતા. જેમણે માત્ર જૈનસમાજને જ જોયો નહિ બલ્કે દેશની વિવિધ જાતિઓ અને અખંડ દેશ વિશે ચિંતન કર્યું. એમણે યોગના ઉત્તુંગ શિખર પર બેસીને આત્મસાધના કરી તો એમણે સાધકોને જીવનસાધનાનો માર્ગ બતાવ્યો. જૈન આચાર્યની એકેએક ક્રિયા અને સાધના કરવાની સાથોસાથ એમણે સાહિત્ય જગતમાં પણ વિહાર કર્યો. ૨મણલાલ વસંતલાલ દેસાઈ કે મહાકવિ ન્હાનાલાલ જેવાએ યોગનિષ્ઠ આચાર્યશ્રીની પ્રતિભાનો સ્પર્શ અનુભવીને એમને વિરલ વિભૂતિ કે અવધૂત આનંદઘન સાથે સરખાવ્યા છે.
બહેચરદાસમાંથી દીક્ષા લઈ બનેલા આચાર્યશ્રી બુદ્ધિસાગરસૂરીશ્વરજીની કાવ્યરચનાઓ વિવિધ વિષયોનું નિરૂપણ કરતી કવિતાઓ છે. જ્યાં સુધી સરસ્વતી પ્રસન્ન ન થાય ત્યાં સુધીની ઘણી પ્રતિજ્ઞાઓ પણ લે છે. અને એક દિવસ એમના સહાધ્યાયી મિત્ર વત્સરાજ જીજી બારોટ જે કવિતાઓ બનાવીને ક્યારેક ક્યારેક ગાતા હતા તે વખતે આ બહેચરદાસને મનમાં પ્રશ્ન
