________________
૨૦
કર્મસ્તવનામ દ્વિતીય કર્મગ્રંથ
સ્થિતિમાં નાખવાના હોય છે. જો ઉદય હોય અને બંધ ન હોય તો પ્રથમ સ્થિતિમાં નાંખે. જો બંધ હોય અને ઉદય ન હોય તો બીજી સ્થિતિમાં નાંખે, અને બંધ અને ઉદય બંને ન હોય તો પરપ્રકૃતિમાં નાંખે. અહીં મિથ્યાત્વનો બંધ-ઉદય બંને છે માટે બંને સ્થિતિમાં નાંખે છે.
(૧૨) મિથ્યાત્વની પ્રથમ સ્થિતિને ભોગવતાં ભોગવતાં અંતર્મુહૂર્તકાળે અંતરકરણની ક્રિયા પૂર્ણ થાય છે હજુ પ્રથમ સ્થિતિનો અંતસુધી ઉદય હોય છે.
(૧૩) અંતરકરણની ક્રિયા પૂર્ણ થયા પછી મિથ્યાત્વની બીજી સ્થિતિમાં રહેલ દલિકને ઉપશમાવવા માંડે છે. પ્રથમ સમયે થોડું, બીજા સમયે અસંખ્યગુણ એમ પ્રથમ સ્થિતિને ભોગવવાના ચરમ સમય સુધી જાણવું.
(૧૪) પ્રથમ સ્થિતિને ઉદય અને ઉદીરણા વડે ભોગવતાં ભોગવતાં બે આવલિકા જેટલી સ્થિતિ બાકી રહે ત્યારે આગાલ વિચ્છેદ થાય છે. એક આવલિકા સ્થિતિ બાકી રહે ત્યારે ઉદીરણા અટકે છે. પ્રથમ સ્થિતિની છેલ્લી આવલિકાને માત્ર ઉદય વડે જ ભોગવે છે.
(૧૫) આગાલ એટલે બીજી સ્થિતિમાંથી દલિયા આકર્ષ ઉદયાવલિકામાં નાંખવા તે, ઉદીરણાનું જ વિશેષ નામ છે.
(૧૬) પ્રથમ સ્થિતિના ચરમ સમયે વર્તતો જીવ અંતરકરણની ઉપરની બીજી સ્થિતિના દરેક સમયના દલિકના ત્રણ પુંજ કરે છે. એટલે મિથ્યાત્વની અંતઃકોડાકોડીની બીજી સ્થિતિના ત્રણ ભાગ- એટલે અંત:કોડાકોડી જેટલાં લાંબા ત્રણ ભાગ (ઉભા ત્રણ ટુકડા) થાય છે. ત્રણ ભાગ તે ૧ શુદ્ધ, ૨ અર્ધશુદ્ધ અને ૩ અશુદ્ધ તેમાં (૧) શુદ્ધ પુંજનું નામ સમક્તિ મોહનીય (૨) અર્ધશુદ્ધ પુજનું નામ મિશ્ર મોહનીય (૩) અશુદ્ધ પુંજનું નામ મિથ્યાત્વ મોહનીય.
