________________
બંધસ્વામિત્વનામા તૃતીય કર્મગ્રંથ
ઔદારિક મિશ્રયોગવાળાને મિથ્યાત્વ ગુણઠાણે જિનનામાદિ ૫પ્રકૃતિ વિના ૧૦૯ પ્રકૃતિનો બંધ હોય. જિનનામનો બંધ તત્વાયોગ્ય સમ્યક્ત્વથી થાય છે. મિથ્યાત્વે તત્પ્રાયોગ્ય સમ્યક્ત્વનો અભાવ હોવાથી જિનનામનો બંધ થાય નહી.
૩૨
મનુષ્યો અને તિર્યંચો સમ્યગ્દષ્ટિ હોય તો જ અપર્યાપ્ત અવસ્થામાં દેવગતિ પ્રાયોગ્ય બંધ કરે, પરંતુ મિથ્યાદૅષ્ટિ હોય તો તત્પ્રાયોગ્ય વિશુદ્ધિના અભાવે દેવગતિ પ્રાયોગ્ય બંધ કરતા નથી. તેથી દેવદ્વિક અને વૈક્રિયદ્વિકનો બંધ નથી. માટે મિથ્યાત્વ ગુણઠાણે એ પાંચ વિના ૧૦૯ પ્રકૃતિનો બંધ હોય. સાસ્વાદન ગુણઠાણે સૂક્ષ્મનામકર્માદિ ૧૩ અને મનુષ્યાયુઃ તિર્યંચાયુ: વિના ૯૪ પ્રકૃતિનો બંધ હોય.
ઔદારિક મિશ્ર કાયયોગ માર્ગણામાં સાસ્વાદન ગુણઠાણે મનુષ્યાયુઃ કે તિર્યંચાયુ: નો બંધ ઘટતો નથી. કારણકે જીવ સાસ્વાદન ગુણઠાણું પૂર્વભવમાંથી લઈને આવે છે, અને તે ઉત્કૃષ્ટથી છ આવલિકા સુધી જ હોય છે. અને મનુષ્યાયુ: કે તિર્યંચાયુ: લબ્ધિ અપર્યાપ્ત જીવો પણ આહાર-શરીરઈન્દ્રિય પર્યાપ્તિ પૂર્ણ થયા પછી એટલે કે સાધિક ૧૭૦ આવલિકા ગયા પછી જ પરભવનું આયુ: બાંધી શકે છે. એટલે સાસ્વાદન ગુણઠાણું હોય છે ત્યારે આયુષ્ય બંધાતુ નથી અને જ્યારે આયુષ્ય બંધાય છે ત્યારે સાસ્વાદન ગુણઠાણું હોતું નથી. માટે આ માર્ગણામાં સાસ્વાદન ગુણઠાણે મનુષ્યાયુ: તિર્યંચાયુ:નો બંધ સંભવે નહીં.
વળી, સાસ્વાદન ગુણઠાણે સૂક્ષ્મ નામકર્માદિ ૧૩ પ્રકૃતિ ન બંધાય કારણકે તેનો બંધ મિથ્યાત્વનો ઉદય હોય ત્યારે થાય છે. સાસ્વાદન ગુણઠાણે મિથ્યાત્વનો ઉદય ન હોવાથી આ ૧૩ પ્રકૃતિનો બંધ સાસ્વાદન ગુણઠાણે થાય નહીં. માટે સાસ્વાદન ગુણ૦માં ૯૪ પ્રકૃતિ જાણવી.
મિશ્ર ગુણઠાણે જીવ મૃત્યુ પામતો નથી. મિશ્ર ગુણઠાણું લઈને જીવ પરભવમાં જઈ શકતો નથી. તથા અપર્યાપ્ત અવસ્થામાં જીવ મિશ્ર સમ્યક્ત્વ
