________________
૧૦૪
કર્મસ્તવનામા દ્વિતીય કર્મગ્રંથ
(૪) મિથ્યાત્વ મોહ૦–
- મિથ્યાત્વ ગુણઠાણે ઉ૫૦સમ્યકત્વ પામતાં પહેલાં અનિવૃત્તિકરણમાં પ્રથમ સ્થિતિની ચરમ આવલિકામાં મિથ્યાત્વ મોહનીયનો માત્ર ઉદય જ હોય છે. ઉદીરણા હોય નહીં. કાળ – એક આવલિકા. (૫) સમ્યકત્વ મોહનીય
ક્ષાયિક સમ્યકત્વ પામતાં ૪ થી ૭ ગુણઠાણામાં સમ્યકત્વ મોહનીયના ક્ષયની છેલ્લી આવલિકામાં સમ્યકત્વ મોહનીયનો માત્ર ઉદય હોય છે. પરંતુ ઉદીરણા હોય નહીં. કાળ – એક આવલિકા. (૬) ૩ વેદ
૯મા ગુણઠાણે ક્ષપક-ઉપશામકને જે વેદના ઉદયે શ્રેણિ ચડ્યો હોય તેને અંતઃકરણ કર્યા પછી પ્રથમ સ્થિતિ એક આવલિકા બાકી હોય ત્યારે તે વેદનો માત્ર ઉદય હોય છે પણ ઉદીરણા હોય નહીં. કાળ – એક આવલિકા. (૭) ૪ આયુષ્ય
સંસારી સર્વ જીવોને ભોગવાતું આયુષ્ય ૧ આવલિકા જેટલું બાકી હોય ત્યારે તે આયુષ્યનો ઉદય હોય છે પણ ઉદીરણા હોય નહીં. કાળ – એક આવલિકા. (૮) પાંચ નિદ્રા
કોઈ પણ જીવને ઉત્પત્તિ કાલે શરીર પર્યાપ્તિ પૂરી કર્યા પછી ઈન્દ્રિય પર્યાપ્તિ પૂરી કરે ત્યાં સુધી નિદ્રા પંચકનો ઉદય હોઈ શકે છે. પરંતુ ઉદીરણા હોય નહીં. (નિદ્રા અને પ્રચલામાં ઉદય કરતાં ઉદીરણામાં તફાવત બારમા ગુણ૦માં પણ બતાવેલ છે. તેથી તે સંખ્યા બે વાર ગણવી નહી.) કાળ – અંતર્મુહૂર્ત (૯) ૧૨ પ્રકૃત્તિ
૯ નામકર્મ અને ૧ ઉચ્ચગોત્ર, ૧ કોઈપણ એક વેદનીય, ૧ મનુષ્યાયુષ્ય, ૧૪મા ગુણઠાણે ઉદય હોય છે. પરંતુ ઉદીરણા હોય નહીં.
