Dasaveyaliya Suttam

Author(s): K V Abhyankar
Publisher: K V Abhyankar

Page 64

अज्झयण ९-४ दसवेआलियसुत्तं. चरे मुणी पंचरए तिगुत्तो
चउक्कसायावगए स पुज्जो ॥१४॥ गुरुमिह सययं पडियरिय मुणी
'जिणवयनिउणे अभिगमकुसले । धुणिय रयमलं पुरेकडं
भासुरमउलं गई गय ॥१५॥ त्ति बेमि ॥ ॥णवमअज्झयणस्स विणयसमाहीए तइओ उद्देसओ समत्तो॥
॥णवममज्झयणं-चउत्थो उद्देसओ ॥ सुयं मे आउसं तेणं भगवया एवमक्खायं । इह खलु थेरेहि भगवंतहिं चत्तारि विणयसमाहिठाणा पण्णत्ता ॥१॥ .
कयरे खलु ते थेरेहिं भगवंतहिं चत्तारि विणयुसमाहिठाणा पण्णत्ता ?॥२॥
इमे खलु ते थेरोहिं भगक्तेहिं चत्तारि विणयसमाहिठाणा पण्णत्ता । तं जहा । विणयसमाही, सुयसमाही, तवसमाही, आयारसमाही ॥३॥ विणए सुए तवे य आयारे णिच्च पंडिया।
अभिरामयंति अप्पाणं जे भवंति जिइंदिया ॥४॥
"चउब्विहा खलु विणयसमाही भवइ । तं जहा। अणुसासिज्जन्तो सुस्सूसइ, सम्मं संपडिवज्जइ, वेयमाराहयइ, न य भवइ अत्तसंपग्गहिए चउत्थं पयं भवइ । भवइ य एत्थ सिलोगो ॥५॥
पेहेइ हियाणुसासणं सुस्सूसइ तं च पुणो अहिए। न य माणमएण मज्जइ विणयसमाही आययठिए॥६॥
चउव्विहा खलु सुयसमाही भवइ । तं जहा। सुयं मे भविस्सइ त्ति "अज्झाइयव्वं भवइ, एगग्गचित्तो भविस्सामि त्ति अज्झाइयवं भवइ, अप्पाणं ठावइस्सामि त्ति "अज्झाइयव्वं भवइ, ठिओ परं ठावइस्सामि त्ति "अज्झाइयव्वं भवई, चउत्थं पयं भवइ । भवइ य एत्थ सिलोगो॥७॥
१ क. ख. जिणमयनिउणे. २ अ. क. घ. च. णिच्चं. 3 अ. हवंति. ४ ख. चउब्विहे खलु. ५ क. ख. च. वेयमाराहइ. १ क. ख. इत्थ. ७ ख. अज्झाइयव्वयं..