Aupapatikopanga Sutram

Author(s): Jinendrasuri,
Publisher: Harshpushpamrut Jain Granthmala

Page 97

11८५
तेणं कालेणं तेणं समएणं समणस्स भगवओ महावीरस्स बहवे अच्छरगणसंघाया अंतियं पाउभवित्था । ताओ णं अच्छराओ धंतधोयकणग-रुयग-सरिसप्पभाओ समइक्वंताओ य बालभाष अणइवर-सोमचारुरूबाओ निरुबहय-सरस-जोव्वणकक्कस-तरुण-वयभावं उवगयाओ निच्च अवडिठयसहाबाओ सवंगसंबरीओ इच्छियनेवच्छ-रहय-रमणिज्ज-गहियवेसाओ किं ते हारहार पाउत्त-रयणकुंडल-वामुत्तग - हेमजाल- मणिजाल - कणगजाल-सुत्तग-उरितिय - कडग-खडडु( खुड्ड )ग-एगावलि-कंठसुत्त - मगहगधरच्छगेवेज्ज-सोणिसुत्तग-तिलग - फुल्लग-सिद्धत्थिय - कण्णवालिय-ससि-सूर-उसभ - चक्कय-तलभंगय-तुडिय-हत्थमालय-हरिस-केऊर-वलय -पालंब-अंगुलिज्जग-बलवख-दोणारमालिया चंदसूरमालिया-कंचिमेहल-कलाव-पयरग-परिहेरग-पायजालघंटिया-खिखिणि-रयणोरुजालखुड्डिय-वरने उर-चलणमालिया-कणगणिगल - जालग-मगरमुहविरायमाणनेउर-पचलियसद्दाल-भूसणधरीओ दसवण्ण-रागरइय-रतमणहरे
हयलाला - पेलवाइरेगे धवले कणग-खचियंतकम्मे आगास-फालिय - सरिसप्पहे अंसुए गियत्थाओ आयरेणं तुसार- गोक्खीर* हार-दगरप-पंडर-दुगुल्ल- सुकुमाल-सुकयरमणिज्ज उत्तरिज्जाई पाउयाओ, वरचंदणचच्चियाओ वराभरणभूसियाओ सब्वोउय-सुरभि
-कुसुम-सुरइय-विचित्त-बरमल्लधारिणीओ सुगंधचण्णंगराग-वरवास-पृष्फपूरगविराइयाओ अहियसस्सिरीयाओ उत्तमवरधूवधूवियाओ | सिरीसमाणवेसाओ दिव-कुसुम-मल्लदामपन्भंजलिपुडाओ चंदाणणाओ चंदविलासिणीओ चंबद्धसमललाडाओ चंदाहियसोमदसणाओ उक्काओ विष उज्जोएमाणाओ विज्जुघण-मिरीइ-सूरदिपंत-तेयअहियतर - सन्निगासाओ सिंगारागार-चारुवेसाओ संगयगय-10
||८५॥ हसिय-भणिय-चेट्ठिय-विलास-सललिय-संलावनिउणजुत्तोवयारकुसलाओ संदरथण-जघण-वयण - करचरण-नयण - लावण्ण - रूवजोवण-विलासकलियाओ सुरवधूओ सिरीस-नवणीय-मउय-सुकुमाल - तुल्लकासाओ ववगय - कलिकलुसाओ धोयनिद्धत-रयमलाओ सोमाओX कंताओ पियदसणाओ सुरुवाओ जिणभत्तिदसणाणरागेणं हरिसियाओ ओवयाओ यावि जिणसगासं दिव्वेणं सेसं तं चेव नवरं ठियाओ चेव।