Book Title: Agam 24 Chhed 01 Nishith Sutra Sthanakvasi
Author(s): Ghasilal Maharaj
Publisher: A B Shwetambar Sthanakwasi Jain Shastroddhar Samiti
View full book text
________________
जे भिक्खू असणं वा पाणं वा खाइमं वा साइमं वा अच्चुसिणं पडिग्गाहेइ पडिग्गाहेंतं वा साइज्जइ ॥२४९॥
जे भिक्खू उस्से इमं वा संसेइमं वा चाउलोदगं वा वारोदगं वा तिलोदगं वा तुसोदगं वा जवोदगं वा आयामं वा सोवीरं वा अंबकंजिय वा सुद्धवियडं वा अहुणाधोय अणं बिलं अपरिणयं अवुक्कंतजीवं अविद्धत्थं पडिग्गाहेइ पडिग्गाहेंतं वा साइज्जइ ।।
जे भिक्खू अप्पणो आयरियत्ताए लक्खणाई वागरेइ वागरते वा साइज्जइ ॥२५१॥
जे भिक्खू गाएज्ज वा हसेज्ज वा वाएज्ज वा णच्चेज्ज वा अभिणएज्ज वा हयहे सियं, हथिगुलगुलाइयं, उक्कट्ठसीहनाय वा करेइ करेंतं वा साइज्जह ॥२५२॥
जे भिक्खू भेरीसद्दाणि वा पडहसद्दाणि वा मुरयसदाणि वा मुइंगसद्दाणि वा नंदिसदाणि वा झल्लरिसदाणि वा वल्लरिसदाणि वा डमरुगसदाणि वा मद्दलसदाणि वा सदुयसदाणि वा पएससदाणि वा गोलुंकिसहाणि वा अन्नयराणि वा तहप्पगाराणि वितताणि सदाणि कण्णसोयवडियाए अभिसंधारेइ अभिसंधारेत वा साइज्जइ ॥२५३॥
जे भिक्खू तालसदाणि वा, कंसतालसद्दाणि वा लित्तियसदाणि वा गोहियसदाणि वा मकरियसदाणि वा कच्छभीसद्दाणि वा महइसदाणि वा सणालियासदाणि वा वलियासद्दाणि वा अन्नयराणि वा तहप्पगाराणि घणाणि सदाणि वा कण्णसोयपडियाए अभिसंधारेइ अभिसंधारेंतं वा साइज्जइ ॥२५४॥
जे भिक्खू वीणासदाणि वा विवंचीसद्दाणि वा तुण्णसद्दाणि बव्वीसद्दाणि वा वीणाइयसदाणि वा तुंबवीणासदाणि वा संकोडयसद्दाणि वा रुरुयसदाणि वा ढंकुणसहाणि वा अन्नयराणि वा तहप्पगाराराणि तताणि सदाणि कण्णसोयवडियाए अभिसंधारेइ अभिसंधारेतं वा साइज्जइ ॥२५५॥
जे भिक्खू संखसदाणि वा वंससहाणि वा वेणुसद्दाणि वा खरमुहीसहाणि वा परिलीसदाणि वा चेचासदाणि वा अन्नयराणि वा तहप्पगाराणि झुसिराणि सदाणि कण्णसोयवडियाए अभिसंधारेइ अभिसंधारेतं वा साइज्जइ ॥२५६।।
जे भिक्खू वप्पाणि वा फलिहाणि जाव वा इहलोइएसु वा रूवेसु परलोइएसु वा रूवेसु जाव अज्झोववज्जतं वा साइज्जइ ॥२५७-२७०॥ तं सेवमाणे आवज्जइ चाउम्मासियं परिहारहाण उग्याइयं ।२७१॥
॥निसीहज्झयणे सत्तरसमो उद्देसो समत्तो ॥१७॥
શ્રી નિશીથ સૂત્ર
